Mitengo 24:6 - Bhibhiliya Nya Guage

⁶ Ya gu anama kha nga mikova, kha nga lithembwe nya senge vbafuvbi ni tsongo! Pfhumu Nungungulu a si yade kha nga misimbo nya gihengebulo, kha nga sedhari vbafuvbi ni mati nya gutale!

Mitengo 24:6 Iomraidhean Croise

Genesi 13:10

Loti a di khedzisa lipani latshavbo nya tsongo wa Joridhani. Lithembwe li di theledzedwe gwadi mati, gufanane ni Egipito, li anama kala gu vboha tigoni gwa Zowari. Esi satshavbo si giregide Pfhumu Nungungulu na si gu khungumuli Sodhoma ni Ghomora.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 104:16

Misimbo ya Pfhumu Nungungulu yi khuride, misimbo nya sedhari ya Libhanoni a nga yalago Pfhumu Nungungulu,

Dzindzimo 45:8

Guambala gwago gwatshavbo gu ngu bhumudziswa khu mafura nya mira, haluwe ni kasiya. Dzindzimo nya guembeledwe khu sitendre dzi ngu tsakisa dzinyumbani ga vafumeli, nya gugirwe khu magwaha nya dzindzofu.

Gizimba 6:11

Mwangadzi —Nyi relede thembweni nya dzindzawa, guya wona gunyuga nya dzimbewu dza kovani ni gu wona gukheni lithembwe li ngu dandra gani ni maromana gu mwendro ma ngu thela wenge.

Isaya 41:19

Nyi na yala misimbo nya sena musiwulani, ni misimbo nya ngure, morya ni olivha; gumogo ni ndziri umo nya mafu nya gihala, ni pinyu gumogo ni siringa.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Ezekiyeli 47:12

Vbafuvbi ni tsongo, khu bambe ga eno ni eno, gu na buga misimbo nya mafumbo yatshavbo nya guninge mihandro nya guhodzwe; mahagane yaye kha ma na nga wu na, gambe kha gu na hamugega mihandro yaye; khu migima yaye, yi na velega mihandro nya yiphya, kholu mati yaye ma gu duga khu nyumbani nya guage; mihandro yaye yi na khala guhodza, mahagane yaye ma khala rendre.”

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Mitengo 24:5

Idzo yi mburidego khidzo mitshatsha yago, uwe Jakobe, ni wulanga u khalago, uwe Israyeli!