Mitengo 23:5 - Bhibhiliya Nya Guage

⁵ Khavbo avbo, Pfhumu Nungungulu a di vega kanani ga Bhalahama magana yaye, a mu embela, khuye: “Indra ga Bhalaki u ya mu embela kharati.”

Mitengo 23:5 Iomraidhean Croise

Ekisodha 4:15

Uwe u na ganela, u vega magana kanani gwaye. Eni nyi na bani nyiri kanani gwago ni gwaye, nyi na mi hevbudza iso mu fanelago gu gira.

Mavingu 16:1

Muthu khuye a lugago makungo khu monyoni gwaye, aholu phindrulo nya lisine ya guta khu ga Pfhumu Nungungulu.

Mavingu 16:9

Khu monyoni gwaye muthu a ngu pimisa umo a vbwetago guya umo, aholu Pfhumu Nungungulu khuye a mu yeyedzago ndzila.

Isaya 51:16

Nyi ngu thela magana yangu kanani gwago, nyi na gu siha mutsani nya gyandza gyangu. Eni nyi na ladza ndzadzini nya guphya, ni gu tsitsa giseketelo nya litigo nya liphya, ni gu embela Siyoni, kheni: “Enu mu vathu vangu.”

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Mitengo 22:20

Pfhumu Nungungulu a dita ga Bhalahama ni wutshigu a ta mu embela, khuye: “Kha nga vama vovo va dzudego gu ta gu rana, khuga u hongole navo; aholu u na ya gira basi igyo nyi na gu rumago.”

Mitengo 22:35

Aholu Ngilozi ya Pfhumu Nungungulu yi di hakha Bhalahama, khiyo: “Indra ni vama vava aholu indra u ya ganela basi igyo nyi na gu rumago gu ya ganela.” Bhalahama a di simama a hongola ni vasingalagadzi va Bhalaki.

Mitengo 23:16

Pfhumu Nungungulu a dita wonega ga Bhalahama, a mu thela magana yaye kanani gwaye, a mu embela, khuye: “Indra ga Bhalaki, u na ya mu embela esi ni esi.”

Mitengo 23:4

Nungungulu a dita ga Bhalahama, a ta mu embela, khuye: “Nyi rumede gu emisa livbandre na sivili siluvelo, nyi payide ga giluvelo ni giluvelo mombe ni hamba mweyo.”

Mitengo 23:6

Bhalahama a di bwelela ga Bhalaki aya mu mana na nga emide vbafuvbi ni phaso waye nya guvbiswe uye ni vatshavbo vathangeli va Mowabhi.

Luka 12:12

kholu Liphuvbo nya Guage li na mi hevbudza phindrulo mu na va ningago.”

Johane 11:51

Uye kha ganela esi khu gu si khugela, aholu, kha nga a nga bani ari muthangeli nya vaphasi nya mhamba mwaga wule, a di profeta khuye Jesu a di gu yela gufa, afela litigo.

Dhewuteronome 18:18

Nyi na va wusela muprofeti vbakari ga vandriyawe, nya gufanane ni uwe, kanani gwaye nyi na thela magana yangu, uye a na va embela satshavbo nyi na gu mu rumago.