Mitengo 22:5 - Bhibhiliya Nya Guage

⁵ A di rumela myango ga Bhalahama, mwamana wa Bheyori, tigoni ga Petori, gu khadego vbafuvbi ni tsongo wa Ewufrate, tigoni ga vathu vaye, gasi gu ya mu rana, a mu embela, khuye: “Wona gukhuwe vomo vathu va dugidego khu tigoni ga Egipito; olu va phorodzide litigo leli, va ti vbaha khu mbeli gwangu.

Mitengo 22:5 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Dzindzimo 105:24

Pfhumu Nungungulu a di andrisa tengo nya vathu vaye, a va ninga tshivba guvbindra valala vawe.

Ekisodha 10:15

Mbasa yi di fenengedza mafu yatshavbo ma vbindrugedza ma sivbala hayo phum. Yi di hodza mwasi watshavbo wa tigoni ni mihandro yatshavbo nya misimbo yi nga tshidwago khu maralala. Kha gwa tshala ni lihagane nya gunagane misimboni, mwendro mwasi tigoni gwatshavbo ga Egipito.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Mitengo 23:7

Khavbo avbo, a di ganela magana yaye, a mu embela, khuye: “Khu tigoni ga Arami, nyi di raniswa khu Bhalaki, mufumeli wa Mowabhi, a nyi rumela mwango sigomoni sa Khugadambo, guta nyi embela, khuye: Delu u ta vala Jakobe! Delu uta yuyutela Israyeli!

Mitengo 31:8

Va di songa gambe ni vafumeli va Vamedhiyani, vbakari ga avo va nga songwago va di romo navo Evhi, Rekemi, Zuri, Huri ni Rebha, a gu livbandre vafumeli va Vamedhiyani; va di songa gambe khu litshari Bhalahama, mwamana wa Bheyori.

Dhewuteronome 23:4

Kholu kha va mi khingamedza ni guhodza ni mati ndzilani, gikhati mu dugidego khu Egipito; gambe va mi rengelede Bhalahama, mwamana wa Bheyori, a khalago Peyori tigoni ga Mesopotamiya, gasi a ta mi vala.

Dhewuteronome 23:5

Khu guralo, Pfhumu Nungungulu wago, kha yingisa guvala ga Bhalahama; aholu, a di vbindrugedza givalo khu gikategiso, kholu Pfhumu Nungungulu wago a di gu mi gola.

Josuwa 13:22

Vbakari ga avo va nga sasedwago khu matshari khu va na Israyeli, a di romo nuye tengoni Bhalahama, mwamana wa Bheyori, a nga bani nari nyanga.

Josuwa 24:9

A di khuga nuye, mufumeli wa Mowabhi, Bharaki, mwamana wa Zipori, a ta dwana ni va na Israyeli; a di rumela gu ya ranwa Bhalahama, mwamana wa Bheyori, gasi guta mi hembululani.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.