Mitengo 22:23 - Bhibhiliya Nya Guage

²³ Buru yi di wona Ngilozi ya Pfhumu Nungungulu na yi emide vbakari nya ndzila na yi homode litshari yi phara mandzani; khavbo avbo, buru yi di ndreya yi bela khabini. Bhalahama a di veta buru gasi yi wuye ndzilani.

Mitengo 22:23 Iomraidhean Croise

2 Dzipfhumu 6:17

Elizewu a di lombelela a ganela, khuye: “Pfhumu Nungungulu, nyi ngu lomba gukheni U mu tule maho, gasi a wone.” Pfhumu Nungungulu a di tula maho ya githumi gi wona; khavbo avbo, a di wona gigomo na gi tade khu dzikavalu ni dzikareta nya nilo na dzi randrede Elizewu.

1 Dzikoronika 21:16

Dhavhidhe na khuside maho, a di wona Ngilozi ya Pfhumu Nungungulu na yi emide vbakari ni vbakari ga mafuni ni ndzadzini, na yiri ni litshari mandzani, na yi khusedzide gasi gu sasela Jerusalema; khavbo avbo, Dhavhidhe gumogo ni madhota, na va ambade silendra, va di thega khu khovbe mafuni.

Jeremiya 8:7

Ambari lisekwa, khu damboni, li ngu dziti dzinango dzaye dzi vegisidwego; lituva, ndrewulewu ni pfhokwane si ngu dziti dzinango dzawe nya gurure; aholu vathu vangu kha va guti gulamula ga Pfhumu Nungungulu.

Dhaniyeli 10:7

Kheni nyonga, eni Dhaniyeli, nyi nga wona giwoniso gegi; avo nyi nga bani nyiri navo, kha va wona gilo, aholu, va di thedwa hwanga nya wukhongolo ngudzu, va thava va tutuma vaya sihala.

Mitengo 22:22

Khu guralo, Nungungulu a di goroga ngudzu naye kholu a nga hongolago; Ngilozi ya Pfhumu Nungungulu yi di mu khinga yi ema khu ndzilani yi mu himbedzela. Uye a di khilede vbatshani nya buru yaye na gu bangaladzwa khu sithumi saye sa sivili.

Mitengo 22:24

Aholu Ngilozi ya Pfhumu Nungungulu yi di ema nyaluphye khu vbakari nya ndzila nya guhonge vbakari nya lithembwe nya vhinya, na yi bhiyidwe eno ni eno.

Mithumo 22:9

Ava nyi nga bani nyiri navo va wonide guwenengedza gule, aholu lito nyi nga lipwago, avo gima kha va lipwa.

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

2 Pedro 2:16

Uye a di kawukwa kotani nya sighoho saye. Kholu, buru yi si ganeligo, yi di ganela nga muthu, yi ganedza muprofeti wupumbuni gwaye.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.