Mitengo 21:7 - Bhibhiliya Nya Guage

⁷ Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.

Mitengo 21:7 Iomraidhean Croise

Genesi 20:17

Abrahama a di lombelela ga Nungungulu, Nungungulu a di hawulugisa Abhimeleki, mwangadzi waye ni sithumi saye nya vanyamayi, gasi va kodze gu velega sanana.

Genesi 20:7

Gasi olu bweledza nyamayi ga mwama waye kholu uye muprofeti a na gu lombelela gasi u vbanya, aholu wa gumba mu bweledza dziti nya gukhuwe khu lisine furi u nafa, uwe gumogo ni vathu vago vatshavbo.”

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

2 Dzipfhumu 13:4

Aholu Jeyowakazi a di lombelela mbeli ga Pfhumu Nungungulu; ni Pfhumu a di mu yingisa; kholu a di wona idzo va nga bani va tshaniswa khidzo va na Israyeli khu mufumeli wa Siriya.

Joba 42:10

Khavbo avbo, Pfhumu Nungungulu a di tshudzisa Joba, gikhati uye a nga bani a gu lombelela khu dzipari dzaye; Pfhumu Nungungulu a di mu bweledzela khu nyondro mbili ga satshavbo esi a nga bani nari naso.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Dzindzimo 106:23

Nungungulu a di khuye a na mbembisa va na Israyeli; Mosi, githumi gyaye nya gigodwa, a di ema mbeli ga Nungungulu a lombelela gasi gu bosisa likhulo laye.

Dzindzimo 78:34

Gikhati a nga bani a va tsayisa, khavbo va nga bani va gu mu alakanya.

Ekisodha 10:17

Olu girani wuhindzi mu nyi tsetselela giwono gyangu gikhati gegi basi, ni gu mu lombelela ga Pfhumu Nungungulu wanu, gukhenu a vbindrisele hwindzo gwangu tungu wowu nya guthise.

Ekisodha 32:11

Aholu, Mosi a di zama gurudzisela monyo wa Pfhumu Nungungulu waye, khuye: “Khu ginani Pfhumu u na khondrisago likhulo lago u wugela vathu vago u va dusidego khu tigoni ga Egipito khu tshivba nya yikhongolo nya libogo lago li palago satshavbo?

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Ekisodha 8:28

Khavbo avbo, Faro a di ganela, khuye: “Eni nyi na mi tshula mu hongola, gasi mu ya ningela dzimhamba nya miphaso ga Pfhumu Nungungulu wanu giwulani; aholu, mu nga hongolini hwindzo ngudzu. Nyi lombeleleni neni!”

Ekisodha 8:4

Vanyakhele va na lita vbatshani gwago, vbatshani ga vathu va tigoni gwago ni vbatshani ga dzindruna dzago.”

Ekisodha 8:8

Faro a di rana Mosi ni Aroni a va embela, khuye: “Lombelelani ga Pfhumu Nungungulu gasi a duse vanyakhele avbo gwangu ni ga vathu vangu, eni nyi na tshula vathu va duga gasi va ya ningela miphaso nya dzimhamba ga Pfhumu Nungungulu.”

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Mitengo 11:2

Vathu va di lila ga Mosi, uye a di lombelela ga Pfhumu Nungungulu, wu tshimega nilo.

Matewu 27:4

“Nyi ghohide khu gu ningela muthu nyambana nandru.” Aholu avo va di khavo: “Wa guvbweta gukhuwe hi rini? Ahati uwe mune.”

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

Varoma 10:1

Vandriyangu, esi nyi si vbwetago khu monyo wangu watshavbo, nyi si lombago ga Nungungulu milombeloni gwangu, khu gukheni Israyeli a vbanyiswe.

Dhewuteronome 9:20

Pfhumu Nungungulu a di gorogela ngudzu Aroni a vbweta gu mu songa; aholu nyi di lombelela gambe khu Aroni ga gikhati gya gimwegyo.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

1 Samuweli 15:24

Khavbo avbo, Sawule a di embela Samuweli, khuye: “Nyi ghohide kholu nyi nga ndragago nayo wa Pfhumu Nungungulu, ni magana yago; Kholu nyi di thava masotshwa nyi yingisa magana yawe.

1 Samuweli 15:30

Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”