Mitengo 21:28 - Bhibhiliya Nya Guage

²⁸ Khaguva nilo wu dugede Hesibhoni, ni luvbya khu lidhoropani ga Seyoni li di mbembisa Ari ni Mowabhi, ni vamune nya sigomwana sa Herimoni!

Mitengo 21:28 Iomraidhean Croise

Dzindzimo 78:63

Madzaha ma di dagarela khu nilo, vanyamahegyane va hamuga vama nya gudzegwe khavo.

Isaya 10:16

Khu guralo, Pfhumu Nungungulu nya Tshivba Yatshavbo, a na rumela tungu ga vathu, wu ta wondrisa sitetema satshavbo sa Asiriya; vbavbatshi nya thomba yawe wu na dzura nilo, kha nga uye a vbiswago khu nilo.

Isaya 15:4

Va Hesibhoni ni Vaeleyali, va di gimbila na va gu huwata. Dzihuwa dzawe dzi di pwala kala tigoni ga Jaza; khu guralo, masotshwa ya Mowabhi ma ngu lila; ni mihefemulo yawe yi ngu ndrendremela khu ndrani gwawe.

Isaya 16:12

Ambari ulo Mowabhi a dzi garadzago khu gu gwela malangani nya sigomo, ni gu bela nyumbani gwaye nya miphaso, aya lombelela, kha na mana gilo.

Amosi 1:10

Khu guralo, nyi na khondrisa mabhiyo ya Tiro khu nilo, wu vbisa dzinyumba dzawe nya wufumu.”

Amosi 1:12

Khu guralo, nyi na rotha Temani khu nilo, wu vbisa dzinyumba nya wufumu dza Bhozira.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Amosi 1:4

Khu guralo, nyi na rotha nilo ndrangani ga Hazayeli, wu na gu vbisago makhokhola ya Bheni-Hadhadhi

Amosi 1:7

Khu guralo, nyi na rotha nilo mabhiyoni ya Gaza, wu vbisa dzinyumba nya wufumu.

Amosi 2:2

Khu guralo, nyi na rotha Mowabhi khu nilo, wu na vbisago dzinyumba nya wufumu dza Keriyoti; Mowabhi a nafa khu gudzuma nya gukhongolo, vbakari nya ligwaha nya nyimbi, ni gu gudzuma nya pundru.

Amosi 2:5

Khu guralo, nyi na rotha Judha khu nilo, wu na vbisago dzinyumba nya wufumu dza Jerusalema.”

Mitengo 21:15

wuyago kala mayigoni ga Ari ni dzibambe nya tsongo wu longoloka ni vbingano wa Mowabhi.”

Mitengo 21:27

Khidzo kharato vathokhozeli, va ganelago, khavo: “Deluni Hesibhoni! Gu na vbahedzwe ni gu thedwa likhokhola lidhoropa la Seyoni!

Mitengo 22:41

Na gu ngari dzimindru ngudzu, Bhalaki a di ya dzega Bhalahama a gwela naye Bhamoti-Bhahali, Bhalahama a di ya wona khu vbale mahegiso nya lizumbo nya vathu va na Israyeli.

Dhewuteronome 2:18

Muhuno, u na tsemakanya Ari, khu mivbinganoni ga Mowabhi,

Dhewuteronome 2:9

Khavbo avbo, Pfhumu Nungungulu a di nyi embela, khuye: U nga khuti va na Mowabhi, a gu situgulwana sa Loti ambari gu va dwanisa, kholu kheni nyi va ningidego gipandre gegi gya Ari gambe kha nyi na gu ninga ni gipandryana gimwegyo nya litigo lawe.

Valamuli 9:15

Munga wu di phindrula misimbo khuwo: A gu bani nari lisine gu nyi emisani nyi khala mufumeli wanu, deluni mu thavela vbavbatshi nya mutsa wangu; sa gumba gira kharato, wu na duge nilo khu mungani wu dagaredzisa misimbo yatshavbo ya Libhanoni.

Valamuli 9:20

Aholu a gu bani na siri kharato, gu na duge nilo khavbo ga Abhimeleki wu na gumbembisago vatshavbo vavbanyi va Bheti-Milo, wu mbembisa gambe ni Abhimeleki.