Mitengo 21:2 - Bhibhiliya Nya Guage

² Khavbo avbo, va na Israyeli va di gira gisambanyo ga Pfhumu Nungungulu, khavo: “Wa gu vega mandzani gwathu vathu vava, madhoropa yawe yatshavbo hi na ma khungumulela muphelo.”

Mitengo 21:2 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Dzindzimo 116:18

Nyi na landrisa sisambanyo nyi giridego ga Pfhumu Nungungulu; na nyi gu wonwa khu vathu vatshavbo,

Dzindzimo 132:2

kha nga edzi a nga sambanyago khidzo ga Pfhumu Nungungulu ni gitumbiso a giridego ga Nyadzitshivbe wa Jakobe, a ganela, khuye:

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

Dhewuteronome 13:15

vavbanyi va dhoropani momo, u nga va tsetseleli, va mbembise khu matshari havo bhi ni satshavbo si guromo umomo gumogo ni sirengo.

Dhewuteronome 13:16

U na wungedzela tendrelani nya lidhoropa lawe satshavbo esi u phangidego, u na si vbisa si khala ningelo ga Pfhumu Nungungulu wago, gu na khala litala nya marumbi kala gupindruga; gima kha li na vbahedzwa gambe.

Dhewuteronome 20:16

Aholu madhoropa nya mayigo yaya u ningidwego khu Pfhumu Nungungulu wago, gasi ma khala thomba yago, u na sasela sivangwa satshavbo si dagatago nyamba tshiya ni gimwegyo nya guvbanye.

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

Josuwa 6:17

Lidhoropa, gumogo ni satshavbo si guromo umo, si emisedwe gu khungumudwa hiso bhi; gu na vbuluga basi Rahabhi nya gibhayi gumogo ni vatshavbo va na gu bani vari nyumbani gwaye, kholu uye sihide vaholeleli hi nga bani hi va rumede.

Josuwa 6:26

Khavbo avbo, Josuwa a di gira gisambanyo gegi, khuye: “A na vadwe mbeli ga Pfhumu Nungungulu wule a na gu yedzago gu vbahedza lidhoropa leli la Jeriko! Gikhati a na girago khokhweni, gi nafe gyanana gyaye nya matiwula; gikhati a thelago malimba, gi nafe gyanana gyaye nya mahegiso.”

Valamuli 11:30

Jefiti a di gira gisambanyo ga Pfhumu Nungungulu, khuye: “Wa gu ningela mandzani gwangu va na Amoni,

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”