Mitengo 20:5 - Bhibhiliya Nya Guage

⁵ Khu ginani u hi dusidego khu Egipito u hi resa wulanga wowu nya guvbise kharati? Wulanga nyamba buga mbewu, nyambana mihandro, nyambana vhinya, madimwa ambari mati nya gusele?”

Mitengo 20:5 Iomraidhean Croise

Nehemiya 9:21

Khu magirelo yoyo, U di va hodzisa giwulani gipimo nya magumana myaga, gima kha va nga hamuga gilo ni dzingandzu dzawe gima kha dza nga hagala, ni mawundru yawe kha ma nga simba.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 2:6

Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Ezekiyeli 20:36

Kha nga edzi nyi lamudego khidzo vababe vanu giwulani gya Egipito, nyi na mi lamula nenu kharato. A ngu ganela Mune Pfhumu Nungungulu.

Mitengo 16:14

Khwa hi dusa u hi yisa ga litigo li gogago mahwe ni wulombe ambari gu hi ninga thomba nya marembwe nya sivhina gasi si khale sathu; gasi olu wa gu vbweta gu thela kudzudzwane mahoni nya vathu vava, gani? Kha hi hongoli!”

Mitengo 20:24

“Aroni a na ya lala gumogo ni vakokwe vaye, kholu kha na bela tigoni eli nyi ningidego sanana sa Israyeli, kholu mu ngamba yingisa lito langu matini ya Meribha.

Mitengo 27:14

Kholu, enu mwa vavili mu hambaniside sileletelo sangu giwulani ga Zimi, gikhati tshangano wu nyi wugedego tigoni ga Meribha, enu kha mwa nyi agisa mbeli gwawe khu gu va nonedza tshivba yangu nya yikhongolo. Ayoyo khu mati ya Meribha, tigoni ga Kadesi giwulani gya Zimi.”

Dhewuteronome 8:15

Khuye a nga gu phara khu libogo a gu gimbidzisa mugiwulani gile nya gikhongolo nya guthise, nya dzinyoga nya gutale khu wuhungu, nya dzihume ni gihala, nyambana mati; a gu dusede mati khu mugiwindrini;