Mitengo 19:19 - Bhibhiliya Nya Guage

¹⁹ Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 19:19 Iomraidhean Croise

Genesi 2:2

Khu litshigu nya livbandre na mavili, Nungungulu, na vbedzide thumo waye watshavbo a wu giridego, a di hefemula.

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Levhi 14:7

Khavbo avbo, a na mitegedzela livbandre na dzimbili dzinyondro wule a agiswago madwali nya sokono, a tivisa gukhuye agide. Khu guhegisa a na tshula ginyoni nya guvbanye gi vbuvba.

Levhi 14:9

Khu litshigu nya livbandre na mavili, a na vbaludwa mafefeleti milini gwaye gwatshavbo. Ndzudzu, giledzu, dzitshi ni satshavbo. A na handza guambala gwaye, aya hamba mili matini, a na agiswa.

Mitengo 19:12

A na dzi agisa khu litshigu nya wuraru khu mati nya guagise, bwelo khavbo a dzi agisa khu litshigu nya livbandre na mavili; aholu a gumba dzi agisa khu litshigu nya wuraru, ni litshigu nya livbandre na mavili khu mati yoyo, uye kha na aga.

Mitengo 19:13

Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.

Mitengo 19:18

Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo.

Mitengo 31:19

Enu khalani vbavbandze nya lizumbo kala mu enedza livbandre na mavili matshigu, watshavbo wule a na gu bani na songide muthu nya gukari, ni watshavbo wule a nga kuhago girumbi, a na dzi agise khu litshigu nya wuraru ni litshigu nya livbandre na mavili, enu gumogo ni dzikhumbi dzanu.

Mitengo 31:24

Mu na handza guambala gwanu khu litshigu nya livbandre na wuvili, gasi mu kodza gu aga; khu hwane nya isoso mu ngu dzi kodza gu bela lizumboni.”

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

Judha 1:23

vambe va vbanyiseni, mu va dusa niloni; gasi ava vambe, dzi woneleni, vengani ambari guambala gwawe gu kunedego khu gunavela gwawe nya gunyenyeze.