Mitengo 19:18 - Bhibhiliya Nya Guage

¹⁸ Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo.

Mitengo 19:18 Iomraidhean Croise

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Dzindzimo 51:9

Siha khovbe yago u si woni sighoho sangu, u futa guvivba gwangu gwatshavbo.

Isaya 52:15

Kharato nugo a na samadzisa mayigo nya mangi, ni vafumeli va na sega magana khu mahungu yaye; kholu iso va ngamba tiviswa va na si wona, niso va ngamba sipwa, va na si pima.

Mitengo 19:17

Gasi gu agisa muthu yoyo a nyenyezidego, va na baga nguma nya miphaso nya sighoho va thela gyomboni, va thela mati vbatshani nya nguma.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 19:9

Mwama moyo a agidego a na wola nguma nya gimombyana, aya wu thela wulangani nya guage, vbavbandze nya lizumbo. Nguma wowu wu na sayiswa gwadi khu tshangano wa va na Israyeli gasi gu gira khuwo mati nya gutsetseledwe sighoho; wu khala phaselo nya sighoho.

Johane 17:17

Va agise va khale vathu va lumbago uwe basi khu ndzila nya lisine. Magana yago khayo ma gu lisine.

Johane 17:19

Eni nyi ngu dzi ningela iyo gwago khu kotani yawe, gasi avo navo va girwe vathu va agisidwego lisineni.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

Vahebheru 9:19

Guhegula, Mosi a di tivisa ga vathu vatshavbo sileletelo satshavbo nya Nayo. Khu gu handzamedza, a di dzega novba nya dzikuzi ni dziphongo a wu pata ni mati a mitegedzela libhuku nya Nayo ni vathu vatshavbo, khu mawoya nya guthedwe nyewu nya gufuvile, ni sasi,