Mitengo 18:7 - Bhibhiliya Nya Guage

⁷ Aholu uwe gumogo ni sanana sago mu na thuma thumo wanu nya wuphasi nya mhamba, ga satshavbo sa vbagiluvelotunu, niso si na gu bani na siri makhuvini; uwowo a na bani ari thumo wanu. Nyi mi ningide thumo nya wuphasi nya mhamba kha nga giningwa nya thumo wanu; muthu wa vbavbandze a na hidzimelago avbovbo, a nafa.

Mitengo 18:7 Iomraidhean Croise

Dzindzimo 115:10

Enu va nyumbani ga Aroni, tumbani Pfhumu Nungungulu; kholu uye khuye muphasedzeli ni gitshangu gyanu.

Ekisodha 28:1

Vbakari nya sanana sa Israyeli, rana ndriyago Aroni ni sanana saye va hidzimela avbo gwago, u na va hatha va khala vaphasi nya mhamba mbeli gwangu. Aroni ni sanana saye a gu esi: Nadhabhi, Abhiyu, Eleyazari ni Itamari.

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Ezekiyeli 44:16

Avo basi khavo va na belago nyumbani gwangu nya guage, va hidzimela vbamezatunu gwangu, gasi gu nyi thumela, va landrisa sileletelo sangu.

Ezekiyeli 44:8

Kha mwa landrisani siguruvedzo sanu mayelano khu silo sangu nya guage; wulangani gwanu mu thede va nya mayigo gasi guta thuma Nyumbani gwangu nya miphaso.

Levhi 16:2

Pfhumu Nungungulu a di embela Mosi, khuye: “Tivisa ndriyago Aroni gukhuwe, kha dzi kodzi gubela nya mubele wulangani nya guage, ndrani nya mwendra nya makhuvi, mbeli nya gikhalo nya ditshedzo gi guromo vbatshani nya Ngasa nya Gidzumeledzwano, gasi a sifi, kholu Eni nyi na wonega lipfhini vbatshani nya gikhalo nya ditshedzo.”

Levhi 7:35

Egi khu gipandre gi lumbago Aroni ni sanana saye, ga miningelo yi vbisedwago Pfhumu Nungungulu, gukhugela litshigu va phelago gu thuma thumo wawe nya wuphasi nya mhamba ya Pfhumu Nungungulu.

Mitengo 1:51

Avbo gu vbwetegago gu khuswa Tshatsha, va na Levhi khavo va na wu tshulago; wa gu vbweta gu tsitswa, khavo va na wu ghwimbago; uye a si lumbigo va na Levhi, a gu hidzimela vbafuvbi, a na songwa.

Mitengo 16:40

si gira gialakanyiso ga va na Israyeli gasi gu si manegi ni moyo wa vbavbandze nya lihundzu la Aroni a hidzimelago aya ningela libani mbeli ga Pfhumu Nungungulu, gu nga girega kha nga esi si dugeledego Kore gumogo ni tsawa waye, gukhwatshi khu edzi Pfhumu Nungungulu a leletedego khu ga Mosi.

Mitengo 18:20

Pfhumu Nungungulu a di embela Aroni, khuye: “Uwe khu na mana thomba tigoni gwawe, ambari gu mana giavelo vbakari gwawe. Eni nyi na bani Nyiri thomba ni giavelo gyago vbakari ga va na Israyeli.

Mitengo 18:3

Avo va na khala vawoneleli vago ni gu wonelela tshatsha watshavbo; aholu va nga tshuki va kuha sombo si agidego ambari sa vbagiluvelotunu gasi va sifi.

Mitengo 3:10

Aholu Aroni ni sanana saye, u na va leletela gukhuye va sayise wuphasi wawe, gani khu mani nyamayigo a na gu hidzimelago a na songwa.”

Mitengo 3:38

Ava va na ghwimba mitshatsha yawe mbeli ga Nungungulu, khu phuvbo ga Khugadambo nya Tshatsha nya Tshangano, gu khedza gugyatunu. Mosi ni Aroni gumogo ni sanana sawe khavo va na gu sayisago Wulanga nya Guage, ni gu sayisa sanana sa Israyeli; a gu hidzimela mumbe muthu wa walo, a na songwa.

Matewu 10:8

Hawulugisani vadwali, wusani va nya gufa; agisani va nya sokono ni gu tutumisa maphuvbo nya guvivbe. Mu ningidwe mahala; ningelani nenu mahala.

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Dhewuteronome 18:2

Khu guralo, kha va na nga mana thomba vbakari ga vandriyawe; Pfhumu Nungungulu khuye thomba yawe, kha nga a va embedego.

Vahebheru 5:4

Mwalo a dzi hathelago abune thumo wowu nya wuphasi nya mhamba, vbavbandze nya gu ranwe khu Nungungulu, kha nga Aroni a nga ranwago.

Josuwa 18:7

Gimwalo gipandre gi na gu lumbago va na Levhi, vbakari gwanu, kholu thomba yawe khu gu phasa mhamba ya Pfhumu Nungungulu. Gadhi, Rubheni ni gipandre nya lihundzu la Manasi, va hakhide gipandre gyawe Tshatugo ga Joridhani khu Khugadambo, va nga ningwago khu Mosi, githumi gya Pfhumu Nungungulu.”

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.

1 Samuweli 2:28

Nyi mu hathide vbakari nya mahundzu yatshavbo ya na Israyeli, gasi a khale muphasi wangu nya mhamba, a gira miphaso vbagiluvelotunu gwangu, a vbisa libani nya gunungele, a ambala Efodhe mbeli gwangu. Nyi ningide ga ndranga la babe wago, gipandre gimwegyo nya miphaso yatshavbo nya guvbiswe, yi vbiswago khu sanana sa Israyeli.