Mitengo 18:5 - Bhibhiliya Nya Guage

⁵ Mu na sayisa Wulangani nya Guage ni vbagiluvelotunu; gasi gu si manegi gambe likhulo nya guwugedwe va na Israyeli.

Mitengo 18:5 Iomraidhean Croise

1 Dzikoronika 23:24

Ava khavo a gu va na Levhi, mayelano ni linyumba la vanyehe vawe, kha nga idzo va sayedwego khidzo khu tengo nya malina, khu longoloko wa vathangeli vawe va nga bani va gira thumo nya guthumele Nyumbani ga Pfhumu Nungungulu, khu tanga nya gukhugele magumavili myaga guya mbeli.

1 Dzikoronika 23:32

Va sayisa ni gu wonelela Tshatsha nya Tshangano, ni gu sayisa Wulanga nya Guage, ni gu phasa vandriyawe va na Aroni, thumoni wa Nyumbani gwa Pfhumu Nungungulu.

1 Dzikoronika 24:5

Va di kabanisedwa khu mitsawa khu gu lodwa khu nyatumbatumbane; kholu gu diromo vathangeli va vbawulangani nya Guage ngudzu ni vathangeli va Nyumbani ya Nungungulu, ga va na Eliyazari ni ga na Itamari.

1 Dzikoronika 9:19

Salumi, mwamana wa Kore, mwamana wa Abhiyasafi, mwamana wa Kora, ni vandriyaye va nyumbani ga babe waye, va na Kore va di rwade thumo nya gukhedzisele dzinyangwa nya mitshatsha, gasi vababe vawe, va di ghadha mwanya nya Tshatsha wa Pfhumu Nungungulu.

1 Dzikoronika 9:23

Avo gumogo ni sanana sawe, khavo va nga bani vari vawoneleli nya myanya nya malimba nya Nyumba ya Pfhumu Nungungulu, ni ya nyumba nya Tshatsha.

1 Dzikoronika 9:33

Vambe vawe nya vathangeli nya dzinyumba dza na Levhi, va diri vaembeleli, va di khala makhuvini nya Nyumba ya Nungungulu, kholu va diri mwalo wumbe thumo, kholu avo wutshigu ni mihani va di hungegide thumoni gwawe.

Ekisodha 27:21

Aroni ni sanana saye va na sayisa wenengedzo wowu umo nya Tshatsha nya Tshangano khu vbavbandze nya mwendra wu na bhiyago makhuvini nya gidzumeledzwano. Dzikandriya dzi na wenengedza mbeli ga Pfhumu Nungungulu, gukhugela gupfola nya lidambo kala gugya. Nayo yoyu, wu fanede gu sayiswa khu sanana sa Israyeli ni situgulwana sawe gikhati gyatshavbo kala gupindruga.”

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Ezekiyeli 44:16

Avo basi khavo va na belago nyumbani gwangu nya guage, va hidzimela vbamezatunu gwangu, gasi gu nyi thumela, va landrisa sileletelo sangu.

Levhi 10:6

Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Levhi 24:3

Aroni a na dzi vega khu phuvbo ga vbavbandze nya mwendra nya makhuvi wu segago ngasa nya gidzumeledzwano, ndrani nya Tshatsha nya Tshangano, gasi dzi dzure nyamba tshimega, gukhugela silambosile kala dzimindrudzile, mbeli ga Pfhumu Nungungulu. Oyu nayo nya gupindruge ga situgulwana sanu.

Zakariya 10:3

Likhulo langu la gu vbisela vahavisi, eni nyi na tsayisa vathangeli; aholu Pfhumu Nungungulu nya Tshivba Yatshavbo a nata sayisa tshambi waye, a gu vathu va Judha, a nga va gira kha nga kavalu yaye nya tshivba nyimbitunu.

Mitengo 1:50

aholu uwe va rwege thumo nya gusayise Tshatsha nya Gidzumeledzwano ni sombo saye, ni satshavbo si lumbago umo. Avo va na rwala Tshatsha ni sombo saye satshavbo; va na thumela ndrani nya Tshatsha, va wu randrela khu vbavbandze.

Mitengo 1:53

Aholu, va na Levhi, va na ghova khu vbavbandze nya Tshatsha nya Gidzumeledzwano va wu randrela, kha nga vawoneleli, gasi likhulo la Nungungulu li si wugeli va na Israyeli.”

Mitengo 16:46

Mosi a di embela Aroni, khuye: Dzega givbiselo gyago nya libani u thela umo magala ya vbagiluvelotunu, u thela libani. Indra khu gu vbiredza vbakari nya tshangano u ya gira phaso nya ditshedzo, kholu Pfhumu Nungungulu gorogide ngudzu; wu ngu phela tungu.”

Mitengo 18:4

Va na gu phasedzela, va wonelela Tshatsha nya Tshangano ni gu sayisa thumo watshavbo wa Tshatshani gasi gu si manegi ni moyo wa va nya mayigo a hidzimelago gwanu.

Mitengo 4:18

“Thelani kota khu nyangwa nya lihundzu la Khowati, va si duswi vbakari ga va na Levhi.

Mitengo 8:19

Aholu va na Levhi va ningedwego Aroni ni sanana saye, vbakari ga va na Israyeli, nyi va ningede gasi va thumela va na Israyeli umo nya Tshatsha nya Tshangano, ni gu gira phaso nya ditshedzo khu avo, gasi gu si manegi tsayiso vbakari ga va na Israyeli, va gu hidzimela Vbawulangatunu nya Guage.”

Mitengo 8:2

“Ganela ga Aroni, u mu embela, khuwe: Gikhati u vegedzelago dzikandriya dzatshavbo nya livbandre na dzimbili, dzi tshomegedzele khu magirelo nya gu dzatshavbo dzi wenengedza mbeli nya gidzigaredzo nya dzikandriya.”

1 Thimoti 1:18

Egi khu gileletelo nyi gu ningago mwanangu Thimoti, mayelano ni magana nya wuprofeti, aya ma ganedwego khu uwe khu gale. Ema ga ayo, u simamisa gu dwana litunga nya ladi.

1 Thimoti 3:15

Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.

1 Thimoti 5:21

Nyi ngu gu lomba, mbeli ga Nungungulu ni Kristo Jesu ni dzingilozi nya guage, u gira wuhindzi u sayise sileletelo sesi, u si lamuli mahungu khu gupima gwago, ni gihathela.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.