Mitengo 18:2 - Bhibhiliya Nya Guage

² Hidzimela gumogo ni vandriyago nya lihundzu la na Levhi, lihundzu la babe wago, avo va na gu phasedzela va gu thumela, uwe ni sanana sago, na mu gu mu khozela Tshatshani nya Gidzumeledzwano.

Mitengo 18:2 Iomraidhean Croise

Genesi 29:34

Liya a di engedza a khura gambe mimba, a velega gambe gikhwathana, a ganela, khuye: “Olu mwama wangu a na hungega avbo gwangu, kholu nyi mu ningide sanana siraru.” A di gi riya khuye khu Levhi.

2 Dzikoronika 30:16

Va di khala malangani gwawe, kha nga giolovedzo gyawe mayelano ni Nayo wa Mosi, muthu wa Nungungulu; vaphasi nya mhamba, va di mitegedzela novba va nga bani va wu hakhide khu mandzani ga va na Levhi.

Ezekiyeli 44:11

Khu guralo, avo va na thuma nyumbani gwangu nya guage kha nga dzighadhi nya myanya nya Nyumba ya Nungungulu ni vathumegeli vaye; avo va na paya sirengo nya miphaso nya guvbiswe gumogo ni dzimhamba khu lina nya vathu ni gu va thumela.

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Malakiya 2:4

Khu guralo, mu na dzitini nya gukhenu eni nyi mi rumedeni nayo yoyu, khu gu tiyisa gidzumeledzwano gyangu ni Levhi, a ngu ganela Pfhumu Nungungulu nya Tshivba Yatshavbo.

Mitengo 1:53

Aholu, va na Levhi, va na ghova khu vbavbandze nya Tshatsha nya Gidzumeledzwano va wu randrela, kha nga vawoneleli, gasi likhulo la Nungungulu li si wugeli va na Israyeli.”

Mitengo 16:40

si gira gialakanyiso ga va na Israyeli gasi gu si manegi ni moyo wa vbavbandze nya lihundzu la Aroni a hidzimelago aya ningela libani mbeli ga Pfhumu Nungungulu, gu nga girega kha nga esi si dugeledego Kore gumogo ni tsawa waye, gukhwatshi khu edzi Pfhumu Nungungulu a leletedego khu ga Mosi.

Mitengo 17:7

Khu guralo, Mosi a di vega dzindronga dzedzi mbeli ga Pfhumu Nungungulu, umo nya Tshatsha nya Gidzumeledzwano.

Mitengo 18:4

Va na gu phasedzela, va wonelela Tshatsha nya Tshangano ni gu sayisa thumo watshavbo wa Tshatshani gasi gu si manegi ni moyo wa va nya mayigo a hidzimelago gwanu.

Mitengo 3:5

Pfhumu Nungungulu a di ganela ga Mosi, khuye:

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 8:19

Aholu va na Levhi va ningedwego Aroni ni sanana saye, vbakari ga va na Israyeli, nyi va ningede gasi va thumela va na Israyeli umo nya Tshatsha nya Tshangano, ni gu gira phaso nya ditshedzo khu avo, gasi gu si manegi tsayiso vbakari ga va na Israyeli, va gu hidzimela Vbawulangatunu nya Guage.”

Mitengo 8:22

Khu hwane nya isoso, va na Levhi va dita gasi gu ta thumela Tshatshani nya Tshangano, mbeli ga Aroni ni sanana saye; kha nga edzi Pfhumu Nungungulu a leletedego khidzo Mosi, mayelano khu va na Levhi, a di va girela kharato.

Vahebheru 9:6

Na gu dongisedwe satshavbo sesi, vaphasi nya mhamba va di bela matshigu yatshavbo makhuvini nya guhegule, Wulanga nya Guage, gasi gu thuma thumo wawe.