Mitengo 17:2 - Bhibhiliya Nya Guage

² “Ganela ga sanana sa Israyeli, va gu resela dzindronga dzawe, edzi dzi na dugago khu ga vathangeli va dugelago khu ga lihundzu la vababe vawe, va resa gwago, dzi na enedza likhumi na dzimbili dzindronga; u na lova lina la muthu ni muthu avbo nya ndronga yaye.

Mitengo 17:2 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Dzikoronika 31:17

Avo va nga bani va sayedwe khu mahundzu ya vaphasi nya mhamba, mayelano khu linyumba la vababe vawe; kha nga gambe va na Levhi vale nya tanga nya magumavili myaga guya mbeli khu dzifanelo dzawe ni mitsawa.

Dzindzimo 110:2

Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

Dzindzimo 125:3

Avo va girago guvivba, kha va na fuma kala gupindruga tigoni ga vathu nya gululame, gasi va nya gululama va si khusedzi mandza va gira guvivba.

Ekisodha 30:26

Khu mafura yaya u na todza Tshatsha nya Tshangano ni Ngasa nya Gidzumeledzwano,

Ekisodha 4:17

Khavbo avbo, phara ndronga yeyi mandzani, khiyo u na girago khiyo siwoniso.

Ekisodha 4:2

Pfhumu Nungungulu a di wudzisa Mosi, khuye: “Ginani u gu nagyo mandzani?” Uye a di hakha, khuye: “I ndronga.” Nungungulu a di khuye:

Ezekiyeli 19:14

Khumo nya lihale limwedo nya matamo yaye, gu di duga nilo wu vbisa mihandro yaye, gwaye kha gwa tshala ni litamo limwedo nya gutiye; li gu ilo li yelago gu gira ndronga ya mufumeli. Igyogyo khigyo gililo, gi na khala nga gililo kala nolu.”

Ezekiyeli 21:10

li lodzidwe gasi gu sasela, li khedzigisidwe gasi gu wenengedza nga gulasa! Ina hi na nengela, gani? Ndronga ya mwamana wangu khiyo yi kanyisago misimbo yatshavbo.

Ezekiyeli 21:13

Kholu gulingwa gu nata; ginani gi na giregago ga ndronga yi nga bani yi kanyisa dzimbe, ya gumba simama yi wonega? A ngu ganela Pfhumu Nungungulu.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mitengo 17:1

Pfhumu Nungungulu a di embela Mosi, khuye:

Mitengo 17:3

Aholu lina la Aroni u na li lova avbo nya ndronga ya Levhi; kholu muthangeli ni muthangeli nya linyumba la vababe vawe a na bani nari ni ndronga.

Mitengo 7:1

Litshigu Mosi a nga vbedzago gu emisa Wulanga nya Guage, a di wu todza khu mafura, a wu agisa ni sombo saye satshavbo; a emisa gambe giluvelo a gi agisa gumogo ni sombo saye satshavbo; na gu thumisa mafura nya gikategiso gikhati gyatshavbo.