Mitengo 16:5 - Bhibhiliya Nya Guage

⁵ A di ganela ga Kore gumogo ni tsawa waye, khuye: “Mindru, gu ngari dzimindru, Pfhumu Nungungulu a na va yeyedza avo va gu vaye, ni gu khu mani a agidego a na gu mu hidzimisa avbo gwaye; khu guralo, wule a na gu mu hathago a na mu vbohisa avbo gwaye.

Mitengo 16:5 Iomraidhean Croise

Dzindzimo 105:26

A di rumela githumi gyaye Mosi, ni Aroni a nga va hathago.

Dzindzimo 115:10

Enu va nyumbani ga Aroni, tumbani Pfhumu Nungungulu; kholu uye khuye muphasedzeli ni gitshangu gyanu.

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Ekisodha 28:1

Vbakari nya sanana sa Israyeli, rana ndriyago Aroni ni sanana saye va hidzimela avbo gwago, u na va hatha va khala vaphasi nya mhamba mbeli gwangu. Aroni ni sanana saye a gu esi: Nadhabhi, Abhiyu, Eleyazari ni Itamari.

Ekisodha 28:41

Khu guambala gogo u na ambagisa ndriyago Aroni ni sanana saye; u va agisela gasi va ema thumoni nya wuphasi nya mhamba mbeli Gwangu.

Ekisodha 28:43

Aroni ni sanana saye va na si ambala gasi va kodza gubela Tshatshani nya Tshangano, va kodza gu hidzimela vbagiluvelotunu va ta thuma Makhuvini nya Guage, gasi va si mani nandru vafa. Owu wu na bani wuri nayo nya gupindruge ga Aroni ni situgulwana saye.

Jeremiya 30:21

Moyo wawe a na khala muthangeli, vbakari gwawe a na duga mufumeli, nyi na mu ranisa, uye a na hidzimela vbafuvbi gwangu; kholu khu mani a na tiyelago gu vboha vbafuvbi gwangu? A ngu ganela Pfhumu Nungungulu

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 50:44

Wonani nya gukhenu a nata kha nga nghala yi dugelago sipoponi sa Joridhani, yi bela wuhaviseloni nya mwasi nya gunyuge. Khidzo kharato, nyi na va phalalegisa tigoni momu, nyi vega uye nyi mu golago; kholu, gasi khu mani a fananago ni Eni? Gambe khu mani a yelago gu nyi wudzisa iso nyi girago? Khu mani a gu muhavisi a dzi kodzago gu dwana ni Eni?

Ezekiyeli 40:46

Aholu likhuvi li guromo khu phuvbo ga Wuronga la gu lumba vaphasi nya mhamba va thumelago vbagiluvelotunu; a gu avo sanana sa Sadhoki, vbakari nya sanana sa Levhi, va yelago gu hidzimela vbafuvbi ga Pfhumu Nungungulu gasi gu mu thumela.

Ezekiyeli 43:19

Vaphasi nya mhamba va na Levi, nya linyumba la Sadhoki, khavo va dzi kodzago gu hidzimela avbo gwangu, gasi gu nyi thumela, a ngu ganela Mune Pfhumu Nungungulu. U na ningela gwawe gimombyana gasi gu gira phaso nya guhandze sighoho.

Ezekiyeli 45:4

Egi gi na bani giri gipandre nya gukatege nya mafu gi lumbago vaphasi nya mhamba; avo va na thumelago wulangani nya guage, khavbo, va na hidzimela guta thumela Pfhumu Nungungulu. Vbale gu na manega ni dzindranga dzawe, gumogo ni wulanga nya guage nya Nyumba ya Nungungulu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 8:2

“Dzega Aroni ni sanana saye, u dzega gambe ni dzingandzu, mafura nya gutodze, kuzi nya phaso nya ditshedzo, ni dzihamba dzimbili ni gitundru nya sibaba nyambana mela.

Malakiya 3:18

Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.

Mitengo 16:3

Va di ya tombana ga Mosi ni Aroni, va va embela, khavo: “Hi garade khu enu! Tshangano watshavbo wu agide, muthu ni muthu nya avo va agide, Pfhumu Nungungulu womo vbakari gwawe. Khu ginani mu dzi khusedzago vbatshani nya tshangano wa Pfhumu Nungungulu?”

Mitengo 16:6

Khavbo avbo, girani, kharati: Uwe Kore gumogo ni tsawa wago dzegani sombo nya libani;

Mitengo 17:5

Ndronga ya muthu nyi na muhathago, yi na thela wenge; khu magirelo yoyo, nyi na degudza va na Israyeli va khalago khu gu mi lemba.”

Mitengo 17:8

Khu litshigu li landrelago, Mosi a di bela umo nya Tshatsha nya Gidzumeledzwano. Khavbo avbo, a di ya wona ndronga ya Aroni na yiri ni wenge, eyi a gu ya linyangwa la na Levhi; kholu yi di nyugide bwelo khavbo yi thela senge, na yiri ni mihandro yi vidzidwego.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Mithumo 1:2

kala litshigu a nga gwelago khilo Ndzadzini; hwane nya gu na ningide Milayo khu tshivba nya Liphuvbo nya Guage, ga Vapostoli a nga bani a va hathide.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 22:14

Uye a di khuye: ‘Nungungulu wa vababe vathu a gu hathide gasi u fela guti gwadi guhaladza gwaye, u wona Wululamo waye ni gupwa lito li dugago khu kanani gwaye.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

1 Samuweli 2:28

Nyi mu hathide vbakari nya mahundzu yatshavbo ya na Israyeli, gasi a khale muphasi wangu nya mhamba, a gira miphaso vbagiluvelotunu gwangu, a vbisa libani nya gunungele, a ambala Efodhe mbeli gwangu. Nyi ningide ga ndranga la babe wago, gipandre gimwegyo nya miphaso yatshavbo nya guvbiswe, yi vbiswago khu sanana sa Israyeli.