Mitengo 16:3 - Bhibhiliya Nya Guage

³ Va di ya tombana ga Mosi ni Aroni, va va embela, khavo: “Hi garade khu enu! Tshangano watshavbo wu agide, muthu ni muthu nya avo va agide, Pfhumu Nungungulu womo vbakari gwawe. Khu ginani mu dzi khusedzago vbatshani nya tshangano wa Pfhumu Nungungulu?”

Mitengo 16:3 Iomraidhean Croise

Ezira 9:2

Kholu va di dzegana ni sanana sawe, avo navo va dzegisa sanana sawe nya sagadzyana si dzegwa khu madzaha yawe, khu kharato gu di dzegwa lifumbu nya vathu va agidego, li patana ni lifumbu nya vathu nya mayigo yoyo, ambari ni manganagana ni madhota nya valuveli, khavo va phedego khavo gu gira gighoho gyogyo.”

Dzindzimo 106:16

Vari mitshatshani va di girela lidiwo Mosi, ni Aroni, gihathwa nya gukatege gya Pfhumu Nungungulu.

Dzindzimo 68:17

Nungungulu khugide khu gigomoni gya Sinayi, nari ni mazanazana nya dzikareta nya nyimbi, aya bela makhuvini nya Nyumba yaye nya guage.

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Mitengo 14:14

Aholu va embede gambe vathu va tigoni momu. Avo va pwide gupwani Uwe Pfhumu Nungungulu u womo vbakari ga vathu vava, ni gu uwe u ngu va yeyedza khovbe yago, ni gupwani lipfhi lago la gu khala vbatshani gwawe, vbamihanitunu wa gu thanga mbeli gwawe khu lipfhi, vbawutshigutunu gambe u womo vbakari gwawe khu nilo.

Mitengo 16:11

Khu guralo, uwe gumogo ni tsawa wago mwa gu wugela Pfhumu Nungungulu, gani? Gasi Aroni khwa mani nya gukala mu mu lembani?”

Mitengo 16:41

Aholu, khu litshigu li landrelago, va di wugela gambe Mosi ni Aroni, khavo: “Enu mu songide vathu va Pfhumu Nungungulu.”

Mitengo 16:7

mindru thelani nilo somboni mu thela libani umomo mbeli ga Pfhumu Nungungulu. Wule a na hathwago khu Pfhumu Nungungulu a na bani a agide; hi garade khenu va na Levhi!”

Mitengo 23:21

Kha gu wonegi libango ga Jakobe, gu mwalo guvivba ga vathu va Israyeli. Pfhumu Nungungulu wawe a na ni avo, a ngu kulungedwa vbakari gwawe kha nga Mufumeli wawe.

Mitengo 35:34

Mu nga nyenyezisi litigo leli mu vbanyago umo; khumo nyi khalago umo Eni neni, kholu Eni Pfhumu Nungungulu nya gu khala vbakari ga va na Israyeli.

Mitengo 5:3

Mwama mwendro nyamayi mu na va dusani; va duseni vbavbandze nya lizumbo, gasi va si li nyenyezisi, kholu Eni nyi womo vbakari gwawe.”

Mithumo 7:39

Aholu, vababe vathu va di bomba gu mu yingisa, va mu tsukula myonyoni gwawe, va gola gu bwelela Egipito.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.