Mitengo 14:9 - Bhibhiliya Nya Guage

⁹ Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Mitengo 14:9 Iomraidhean Croise

Genesi 48:21

Khu hwane Israyeli a di embela Josefa, khuye: “Olu nyi ngufa, aholu Nungungulu a na bani ari nanu, Uye a na mi bweledzani tigoni ga vababe vanu.

2 Dzikoronika 13:12

Wonani nya gukhenu Nungungulu a na ni ethu, thangide mbeli gumogo ni vaphasi vaye. Mipundru va wombago khya gu mi tivisani enu va na Israyeli; gasi mu si somi nyimbi mu dwana ni Pfhumu Nungungulu wa vababe vanu, kholu kha mu na dugelela.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 20:17

Ga nyimbi yeyi khandri enu mu na gu dwanago, folani mu eme mu na wona idzo Pfhumu Nungungulu a na gu mi vbanyisani khidzo, mu nga thavi enu vavbanyi va Judha ni Jerusalema, ambari gu thurugiswa khu gilo; mindru khugani mu ya tshangana navo, kholu Pfhumu Nungungulu a na bani nari nanu.”

2 Dzikoronika 32:8

Uye libogo nya wuthu basi a gu nalo, aholu ethu, hi na ni Pfhumu Nungungulu wathu, gasi gu hi phasedzela ni gu hi dwanela dzinyimbini gwathu.” Khavbo avbo, vathu vatshavbo va di tangadziswa khu magana ya Ezekhiya, mufumeli wa Judha.

Nehemiya 4:14

Avbo nyi nga wona gukheni satshavbo si dongisedwe, nyi di khuga nyi ema nyi embela vathangeli, dzindruna ni vathu vatshavbo, kheni: “Mu nga thavi, dundrugani gukhenu Pfhumu Nungungulu khongolo, ni gu thavisega, mwa gudwanela vandriyanu, sanana sanu nya sikhwathana nesi nya sagadzyana, vagadzi vanu ni dzindranga dzanu.”

Dzindzimo 106:24

Gambe va di nyenya litigo nya gumbure ngudzu, kholu kha va khodwa ga situmbiso a nga girago.

Dzindzimo 121:5

Pfhumu Nungungulu khuye a gu sayisago, Uye womo vbafuvbi gwago, khuye a gu vhikelago.

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:8

Deluni, mu ta wona sigiro sa Pfhumu Nungungulu, khuye a girago siliwugiso mafuni.

Dzindzimo 74:14

U vbadzulede mihungo ya mwamilambo (Levhiyatane), u ningela givili gyaye gi hodzwa khu sirengo sa giwulani.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Ekisodha 33:16

Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 32:2

Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 42:11

Mu nga khali hwanga khu gu thava mufumeli wa Bhabhiloni, mu thusedzedwago khuye; Pfhumu Nungungulu a ngu ganela khuye, mu nga mu thavi, kholu eni nyi nanu, gasi gu mi vbanyisa ni gu mi tshudzisa mandzani gwaye.

Jeremiya 48:45

Vale va nga bani va tutuma, va di vbela tshivba va ema mutsani ga Hesibhoni, aholu, nilo wu di duga khu Hesibhoni, ni malavbelavbe, ma dugede vbakari ga Seyoni; wu dagaredzisa ndzari ya Mowabhi ni mihungo nya vathu nya gugole mayunga.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Mitengo 13:30

Aholu Kalebi a di degudza vathu, kholu va di gu gorogela Mosi; a ganela, khuye: “Hongoleni, hi na ya dzega litigo lolo, kholu khu lisine hi na ya va pala.”

Mitengo 17:6

Khavbo avbo, Mosi a di ganela ga va na Israyeli magana yaya. Vathangeli vawe vatshavbo va di resa dzindronga dzawe, moyo ni moyo a ningela ndronga yaye, gukhedza khu dzinyumba dza vababe vawe, dzatshavbo dzi diri likhumi na dzimbili dzindronga. Ndronga ya Aroni yi diri mweyo nya idzo.

Mitengo 20:2

Vbale gu diri mwalo mati nya gusele, khu guralo, vathu vatshavbo va di tombana va wugela Mosi ni Aroni.

Mitengo 24:8

Nungungulu duside Israyeli khu Egipito, a mu ningide tshivba nya gufanane ni nyari, Uye a na vbedza mayigo ya valala vaye, a na pandrelela marambo yawe a va hekha khu sighalala sawe.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 1:26

Aholu enu kha mwa dzinani gu hongola, mu di kanyisa sileletelo sa Pfhumu Nungungulu wanu.

Dhewuteronome 1:29

Khavbo avbo, eni nyi mi embedeni, kheni: Mu nga thurugini gambe mu nga va thavi.

Dhewuteronome 31:6

Khalani vathu nya gutiye ni gutimisela, mu nga thavi ambari gu thuruga mbeli gwawe, kholu Pfhumu Nungungulu wanu, khuye a na gimbilago nanu; kha na mi diga ambari gu hambana nanu.”

Dhewuteronome 31:8

Pfhumu Nungungulu khuye a na thangago mbeli gwago; Uye a na bani nari nago, kha na hambana nago ambari gu gu diga; u nga vbeli tshivba ambari gu khala hwanga.

Dhewuteronome 32:42

Sighalala sangu nyi na si lovega novbani, (makoke wangu wu na hodza nyama), khu novba nya avo va fudego ni sibotshwa ni mihungo ya vathangeli ya valala.

Dhewuteronome 7:18

U nga va thavi. Dundruga esi Pfhumu Nungungulu wago, a giridego ga Faro gumogo ni Vagipiti vatshavbo:

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Dhewuteronome 9:7

Alakanyani, gambe mu nga divalini gukhenu mu goroside Pfhumu Nungungulu wanu, giwulani; gukhugela litshigu mu dugidego khu tigoni ga Egipito kala mu vboha ga wulanga wowu, mu di wugela Pfhumu Nungungulu;

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

Valamuli 1:22

Sanana sa Josefa si di gwela niso, si ya dhumela lidhoropa la Bheteli, aholu Pfhumu Nungungulu a diri gumogo navo.