Mitengo 14:8 - Bhibhiliya Nya Guage

⁸ Nari gukhwatshi gugola ga Pfhumu Nungungulu gu na ni ethu, a hi vbohisa ga litigo lolo, a hi ninga li khala lathu, litigo nya ladi li gogago mahwe ni wulombe!

Mitengo 14:8 Iomraidhean Croise

2 Samuweli 22:20

A di nyi dusa a nyi yisa hwindzo ni mhango, a nyi vbulugisa kholu a di gu nyi haladza.

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

2 Dzipfhumu 18:32

Kala nyi ta mi dusani nyi mi yisa ga litigo nya gufanane neli lanu; litigo nya tirigu ni vbinyu; litigo nya sibaba ni marembwe; litigo nya miolivha ni mafura ni wulombe, gasi mu fela guvbanya mu sifi; mu nga yingiseni Ezekhiya, kholu a ngu mi pfhadza, khuye: Pfhumu Nungungulu a na hi vbanyisa.

Dzindzimo 22:8

“Tumbide Pfhumu Nungungulu, a na vbanyiswe khuye; a na mu vbanyise a gu bani a mu haladza.”

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Isaya 62:4

Gima khu na ranwa gambe “Oyu a digidwego,” ambari litigo lago gu gu ranwa gupwani “Marumbi;” aholu, va na gu ranwa pwani “Gigodwa gyangu;” ni litigo lago, li na ranwa gupwani “Pfhumugadzi;” kholu Pfhumu Nungungulu a gu gode ngudzu; a na dzegana ni litigo lago.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Mitengo 13:27

Va di ta embeledzela Mosi, va ganela, khavo: “Hi hongode ga litigo eli u hi rumedego; khu lisine litigo li gogago mahwe ni wulombe, mihandro yakone kheyi.

Mitengo 16:14

Khwa hi dusa u hi yisa ga litigo li gogago mahwe ni wulombe ambari gu hi ninga thomba nya marembwe nya sivhina gasi si khale sathu; gasi olu wa gu vbweta gu thela kudzudzwane mahoni nya vathu vava, gani? Kha hi hongoli!”

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 10:15

Aholu Pfhumu Nungungulu a di tangadziswa khu vababe vago, a va gola, bwelo khavbo a hatha enu sanana sawe vbakari nya mafumbu yatshavbo nya mambe mayigo, kha nga idzo mu dzi wonago khidzo muhuno.

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.