Mitengo 14:29 - Bhibhiliya Nya Guage

²⁹ Sirumbi sanu si na thega giwulani momu ni mwatshavbo enu mu nga lovedwago, gukhugela enu mu nga enedzago magumavili myaga guya mbeli, enu mu nga nyi yeyisago.

Mitengo 14:29 Iomraidhean Croise

Dzindzimo 106:26

Khu guralo, a di khusa mandza a sambanya, khuye: A na va gira vafa giwulani;

Dzindzimo 78:33

Khu guralo, uye a di vbungula matshigu yawe ma vbindra kha nga furugedzo nya phuvbo guvbanyani gwawe va taledwa khu sigaradzo.

Ezekiyeli 20:38

Nyi na kasa vbakari gwanu vale va nyi kanyisago ni gu nyi wugela. Nyi va dusa tigoni mule va vbanyago umo, aholu kha va na wuya tigoni ga Israyeli. Khavbo mu na dzitigo gukhenu, eni kheni Pfhumu Nungungulu.

Mitengo 1:45

Va di lovedwa gukhedza khu dzinyumba dza vababe vawe, vatshavbo va na Israyeli va enedzidego magumavili myaga guya mbeli, vatshavbo va kodzago gu soma matshari guya nyimbitunu.

Mitengo 1:46

Vatshavbo va nga lovedwago va diri tengo nya livbandre na limwedo magumi ni magumararu na livbandre mazana ni livbandre magumi (603.550).

Mitengo 26:64

khu guralo, vbakari gwawe kha gwa manega ni moyo nya vale va nga lovedwago khu Mosi ni muphasi nya mhamba Aroni, gikhati va lovedego va na Israyeli giwulani ga Sinayi.

Mitengo 26:65

Kholu Pfhumu Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.

1 Vakorinto 10:5

Ambari ulo, nya vangi kha va tsakisa Nungungulu, va fude giwulani.

Dhewuteronome 2:14

Gikhati hi vbedzidego na hi gu gimbila, gukhugela Kadhesi-Bharineya kala hi tshatuga gitsongwana gya Zeredhi, gu di vbindra magumararu na livbandre na miraru myaga, kala va vbela khu gufa vatshavbo vama vale nya gudwane nyimbi vbakari nya lizumbo, kha nga edzi Pfhumu Nungungulu a va sambanyedego khidzo.

Vahebheru 3:17

Gasi khu va mani va nga swihadza Nungungulu gipimo nya magumana myaga? Khu vale va ngafago giwulani khu kotani nya sighoho sawe.

Josuwa 5:6

Va na Israyeli va gimbide giwulani gipimo nya magumana myaga, va vbela kharati vama vatshavbo nya nyimbi va dugidego khu Egipito; avo kha va nga yingisa lito la Pfhumu Nungungulu, kholu a di sambanyide gukhuye gima kha na va diga va wona litigo lile a sambanyidego gu ninga vababe vawe litigo li gogago mahwe ni wulombe.

Judha 1:5

Ambari ulo mu matigo gwadi mahungu yaya, nya gu vbweta gu mi dundrugisa gukheni Pfhumu, hwane nya gu na tshude vathu va na Israyeli, a va dusa tigoni ga Egipito, a di mbembisa vatshavbo ava va ngamba khodwa.