Mitengo 14:21 - Bhibhiliya Nya Guage

²¹ Aholu, khu lisine, kha nga olu nyi vbanyago ni wudhumo wa Pfhumu Nungungulu wu na tadzago litigo, nyi ngu tiyisa gukheni

Mitengo 14:21 Iomraidhean Croise

Dzindzimo 57:6

Valala vangu va nyi riyede naphwi khavo va na nyi mola; va kembide liphala ndzilani gwangu, aholu va thegede umo avo vamune.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Isaya 6:3

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Ezekiyeli 18:3

Nyi ngu sambanya khu guvbanya gwangu, a ngu ganela Mune Pfhumu Nungungulu khuye, enu kha mu na ganela gambe khu livingu lolo tigoni ga Israyeli.

Ezekiyeli 20:36

Kha nga edzi nyi lamudego khidzo vababe vanu giwulani gya Egipito, nyi na mi lamula nenu kharato. A ngu ganela Mune Pfhumu Nungungulu.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 33:27

U na va embela kharati, khuwe: Mune Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu kheni, avo va tshadego marumbini va na songwa khu matshari, avo va guromo khabini, nyi na va ningela va hodzwa khu sirengo sa khabini, ni avo va na gu sihalago makhokholani ni mavbalani va nafa khu tungu.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Mitengo 14:28

U na va embela, khuwe: Kha nga olu nyi vbanyago, a ngu ganela Pfhumu Nungungulu, nyi na mu girela kha nga edzi mu ganedego dzindzeveni gwangu.

Matewu 6:10

Mufumo wago wu nate; Gudzina gwago gu na girege mafuni kha nga Ndzadzini.

Dhewuteronome 32:40

Nyi na khusedza mandza yangu nyi khedzisa ndzadzini, nyi ganela, kheni: Eni nyi ngu vbanya kala gupindruga!