Mitengo 14:2 - Bhibhiliya Nya Guage

² Va na Israyeli vatshavbo gumogo ni tshangano watshavbo va di ngurangura va wugela Mosi ni Aroni, va ganela khu gyawe, khavo: “I tshukwana na hi fede tigoni ga Egipito mwendro giwulani momu!

Mitengo 14:2 Iomraidhean Croise

1 Dzipfhumu 19:4

A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

Joba 3:11

Khu ginani nyi ngamba dzegela gufa na nyi nga gu duga khu rumbuni, nyi fela mahembeni ga mayi wangu?

Dzindzimo 106:24

Gambe va di nyenya litigo nya gumbure ngudzu, kholu kha va khodwa ga situmbiso a nga girago.

Dzindzimo 106:25

Va di khala mitshatshani gwawe va phela gu ngurangura, va bomba gu yingisa lito la Pfhumu Nungungulu.

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Ekisodha 14:11

Va di embela Mosi, khavo: “Ina gu diri mwalo marowo tigoni ga Egipito gu kala u hi dusa gasi hi ta fela giwulani momu, gani? Khu ginani u hi giredego esi nya gu hi duse tigoni ga Egipito?

Ekisodha 15:24

Vathu va di ngurangura va wugela Mosi, khavo: “Hi na sela ginani?”

Ekisodha 17:3

Avbovbo, vathu va dipwa lidora nya mati, va bhongela Mosi, khavo: “Khu ginani u hi dusidego khu tigoni Egipito, u di fela gu ta hi songa khu lidora, ethu gumogo ni sanana sathu ni sifuyo sathu, gani?”

Jona 4:3

Khu guralo, uwe Pfhumu Nungungulu, nyi ngu gu lomba u nyi songe, kholu i tshukwana gufa guvbindra guvbanya.”

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Mitengo 11:1

Va na Israyeli, va di phela gungurangura ga Pfhumu Nungungulu. Gikhati Pfhumu Nungungulu a nga si pwago, a di goroga ngudzu a khondrisa nilo nya guthise lizumboni, wu vbisa dzitshokhani nya lizumbo.

Mitengo 11:15

A gu bani nari kharato, nyi ngu gu lomba u nyi songe, gasi nya gu bani na nyi manide wuhigo mahoni gwago, nyi nga woni tshanisa yeyi.”

Mitengo 11:5

Ha gu alakanya dzindzandzi hi nga bani hi hodza mahala tigoni ga Egipito; marigiri ni madzwani ni dzisobola nya guhambanelane ni ayo.

Mitengo 14:1

Tshangano watshavbo wu di khuga, wu womba huwa khu lito nya gukhugege, vathu va di lila ni wutshiguwule.

Mitengo 14:22

mwalo ni moyo ga vathu vatshavbo va wonidego wudhumo wangu, ni sisamadziso nyi giridego tigoni ga Egipito ni giwulani, aholu va nyi lingidego likhumi dzinyondro, va si yingisi lito langu;

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 16:41

Aholu, khu litshigu li landrelago, va di wugela gambe Mosi ni Aroni, khavo: “Enu mu songide vathu va Pfhumu Nungungulu.”

Mitengo 17:6

Khavbo avbo, Mosi a di ganela ga va na Israyeli magana yaya. Vathangeli vawe vatshavbo va di resa dzindronga dzawe, moyo ni moyo a ningela ndronga yaye, gukhedza khu dzinyumba dza vababe vawe, dzatshavbo dzi diri likhumi na dzimbili dzindronga. Ndronga ya Aroni yi diri mweyo nya idzo.

Mitengo 20:2

Vbale gu diri mwalo mati nya gusele, khu guralo, vathu vatshavbo va di tombana va wugela Mosi ni Aroni.

Mitengo 20:3

Vathu va di phela gu gu ganedzisana ni Mosi, khavo: “I tshukwana na hi fude gumogo ni vandriyathu mbeli ga Pfhumu Nungungulu.

Mitengo 20:4

Khu ginani u residego tshangano wa Pfhumu Nungungulu giwulani momu, gasi hi tafa umo, ethu ni sifuyo sathu?

Mitengo 21:5

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

1 Vakorinto 10:10

Mu nga ganedzi, kha nga va nga gira vambe, va gu mbemba khu gufa.

Dhewuteronome 1:27

Mu di ngurangura khu mitshatshani gwanu, mu ganela, khenu: “Pfhumu Nungungulu a ngu hi zondra; Khidzo kharato, a hi dusidego khidzo tigoni ga Egipito, gasi guta hi ningela mandzani ga Vaamori va hi mbembisa.

Dhewuteronome 9:23

Gikhati Pfhumu Nungungulu a mi rumedego gambe Kadhesi-Bharineya, a mi embela, khuye: Gwelani mu ya dzega litigo nyi mi ningidego, enu mu di yeyisa guruma ga Pfhumu Nungungulu wanu, kha mwa khodwa, gambe kha mwa yingisa lito laye.

Vahebheru 3:16

Gasi khu va mani va ngapwa lito la Nungungulu bwelo khavbo va mu wugela? Khu vatshavbo vale va nga duswago khu Mosi tigoni ga Egipito.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.