Mitengo 12:8 - Bhibhiliya Nya Guage

⁸ Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Mitengo 12:8 Iomraidhean Croise

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 49:4

Nyi na neredza dzindzeve dzangu nyipwa gihevbudzo, nyi na tula sihalo wangu na nyi gupwa gitendre.

Ekisodha 19:19

Pundru wu di engedzelana gu dzuma wu dzungurula khu tshivba. Mosi a di ganela; Nungungulu a hakha khu ndrani nya libara.

Ekisodha 20:4

U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 33:11

Pfhumu Nungungulu a di gu ganela ni Mosi khovbe ni khovbe gukhwatshi khu muthu a gu bani a gu ganela ni pari yaye. Hwane nya ugo, Mosi a di khuga a gu bwelela lizumboni; aholu Josuwa, mwamana wa Nuni, lidzaha li nga bani li mu phasedzela mithumoni, a di si dugi Tshatshani.

Ekisodha 33:19

Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.”

Ekisodha 33:23

Avbo nyi na dusago mandza yangu, uwe u na nyi wona khu madzugatunu. Aholu khovbe yangu kha yi dzi kodzi gu wonwa.”

Ekisodha 34:30

Avbo Aroni ni sanana satshavbo sa Israyeli va khedzidego Mosi, va di wona khovbe yaye na yi gu ngangamela. Kha va nga tiyela gu hidzimela vbafuvbi gwaye.

Mavingu 1:6

nya gupime mavingu ni guti sipimaniso; gumogo ni magana nya guti ni misihalo ya va nya guti.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 46:5

Khu mani mu na gu mu fananisago ni Eni mwendro ginani mu nyi fananisago nagyo? Mu na nyi ninganisa ni mani, gambe mu nyi fananisa ni mani?

Ezekiyeli 17:2

Mwamana wa muthu, gira gipimaniso u pimanisa u ganela khu ndranga ya Israyeli.

Ezekiyeli 20:49

Khavbo avbo, eni nyi di, kheni: “Oh! Mune Pfhumu Nungungulu! Vathu vava vari, khavo: Ina muthu yoyu khandri muganeli nya sipimaniso, gani?”

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.

Mitengo 14:14

Aholu va embede gambe vathu va tigoni momu. Avo va pwide gupwani Uwe Pfhumu Nungungulu u womo vbakari ga vathu vava, ni gu uwe u ngu va yeyedza khovbe yago, ni gupwani lipfhi lago la gu khala vbatshani gwawe, vbamihanitunu wa gu thanga mbeli gwawe khu lipfhi, vbawutshigutunu gambe u womo vbakari gwawe khu nilo.

Mitengo 7:89

Avbo Mosi a nga bani a gu bela Tshatshani nya Tshangano gasi gu ganela ni Pfhumu Nungungulu, a dipwa Pfhumu Nungungulu na gu ganela naye, lito laye na li gu duga khu vbatshani nya Ngasa nya Gidzumeledzwano, khu vbakari nya dzikerubhimi dzimbili. Uye nuye a di ganela naye.

Matewu 13:35

Gasi gutadzisega kharati, magana ya muprofeti, a nga khuye: “Nyi na ganela khu sipimaniso, gasi gu tivisa silo si nga bani si sihalegide gukhugela guvangwa nya litigo.”

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 15:15

Kha nyi mi rani gambe sithumi, kholu githumi kha gi siti iso si girwago khu pfhumu yaye; nya gu mi rana dzipari dzangu, kholu nyi mi tiviside satshavbo nyi nga si pwago ga Babe wangu.

Johane 15:24

Nari pwani kha nya nga gira siliwugiso nya sikhongolo vbakari gwawe, iso nya gu gima si si gu girwi khu mumbe muthu, na vari mwalo nandru; gasi avo, na va si wone, va di simama gu nyi zondra eni ni Babe wangu.

1 Vakorinto 13:12

Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

Dhewuteronome 34:10

Tigoni gwa Israyeli gima kha ga nga dugelela gambe mumbe muprofeti nya gufanane ni Mosi oyu a nga wonanago ni Nungungulu khovbe ni khovbe,

Dhewuteronome 4:15

Dzi woneleni gwadi enu va mune, kholu gimwalo ni gimwegyo gifananiso mu gi wonidego litshigu lile Pfhumu Nungungulu wanu a ganedego nanu gigomoni ga Horebhi, nari vbakari nya nilo;

Dhewuteronome 5:8

U nga dzi gireli gifananiso nya guvatwe, ambari nya gufanane ni gimwegyo nya esi si guromo vbatshani ndzadzini, ambari vbavbatshi mafuni mwendro matini vbavbatshi nya mafu;

Vakolosi 1:15

Khuye giwonelo nya Nungungulu a si wonegigo; velegidwe khu Babe na li si gu vangwi litigo.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

Judha 1:8

Avo va gu na ni mavbanyelo yoyo, khandri va gu ghohela sivili sawe basi, va gu yeyisa ni Mufumo wa Nungungulu, va gu vala sivangwa nya guage sa Ndzadzini.