Mitengo 12:6 - Bhibhiliya Nya Guage

⁶ A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Mitengo 12:6 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 20:7

Gasi olu bweledza nyamayi ga mwama waye kholu uye muprofeti a na gu lombelela gasi u vbanya, aholu wa gumba mu bweledza dziti nya gukhuwe khu lisine furi u nafa, uwe gumogo ni vathu vago vatshavbo.”

Genesi 28:12

Khavbo avbo, Jakobe a di lora. A di wona gilito na gi tsitsidwe mafuni, tshokhatunu gakone na gu ghuma ndzadzini, avbo nya gilito gyogyo, gu di lita ni gu tshiga dzingilozi dza Nungungulu.

Genesi 28:16

Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 37:5

Josefa a di lora ndroro, a gu embela vandriyaye; avo va di engedzela gu mu venga khu tshivba.

Genesi 37:9

Josefa a di engedza gulora yimbe ndroro a embeledzela vandriyaye, khuye: “Nyi loride gambe yimbe ndroro: Khu ndroroni nyi di wona lidambo ni ngima ni likhumi na mweyo dzinyeledzi na dzi gu noga mbeli gwangu.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

2 Samuweli 7:4

Aholu, khu wutshigu wowo, lito la Pfhumu Nungungulu li dita ga muprofeti Natani, li ta, khilo:

1 Dzipfhumu 3:15

Solomoni a di khendzuga khu ligovbeni; a wona nya gukhuye ndroro. Avbo a nga bwelelago Jerusalema, a diya ema mbeli nya Ngasa nya Gidzumeledzwano gya Pfhumu Nungungulu, a gira miphaselo nya guvbiswe, a dongisela gambe miphaso nya gurule, a gira buzo nya khongolo ga sithumi saye satshavbo.

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Joba 33:15

A ngu ganela vbawutshigutunu, khu dzindroro ni siwoniso, na va lade ligovbe nya tshimatshima; vathu va ngari vbamalawutunu gwawe,

Joba 4:13

Vbakari nya Wutshigu avbo vathu va ladego, nyi di wona dzindroro ni mihari-hari,

Dzindzimo 105:15

“Mu nga khuhi sihathwa sangu, mu nga tshanisini vaprofeti vangu!”

Dzindzimo 89:19

Gale u ganede khu ndroro ga sithumi sago nya gukatege, khuwe: Nyi ningide tshivba ndrena mweyo, nyi fumiside lidzaha nyi nga li hathago vbakari nya vathu vangu.

Ekisodha 7:1

Khavbo avbo, Pfhumu Nungungulu a di embela Mosi, khuye: “U ngu wona, nyi ngu gu gira Nungungulu mahoni ga Faro. Ndriyago Aroni a na khala muprofeti wago.

Jeremiya 23:25

Nyi yingiside malipha ma ganedwego khu vaprofeti khu lina langu, avbo eni nyi ngamba va ninga siwoniso soso, va ganela, khavo: Hi di loriswa! Hi di loriswa!

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Dhaniyeli 10:8

Nyi tshala nyiri nyenga, na nyi gu wona giwoniso gile nya gikhongolo; nyi di vbela tshivba, khovbe yangu yi vbindrugedza yi wu na.

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Dhaniyeli 7:1

Khu mwaga nya guhegule nya gufume ga Bhalitazari, mufumeli wa Bhabhiloni, Dhaniyeli a di lora nari ligovbeni, a wona giwoniso. Uye a di dzegela gu lova ndroro yoyo, bwelo khavbo a sasamedzela dzindrima dzakone.

Dhaniyeli 8:2

Umo nya giwoniso gyangu, nyi di dzi wona na nyiri dhoropani ga Suza, gipandrengulu gya Elamo, ga giwoniso gegi, nyi diri vbafuvbi ni tsongo wa Ulayi.

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Joyele 3:1

Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Zakariya 1:8

Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 23:31

Kharati mu ngu dzi thuledza gukhenu mu sanana sa vale va nga songago vaprofeti.

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Luka 1:11

Khavbo avbo, a di tumbulugedwa khu ngilozi ya Pfhumu, yi nga ya emago khu nyamudye nya giluvelo nya libani.

Luka 1:22

Na dugide, kha nga kodza gu ganela navo; avo va di dzegela gu dziti khavo gyomo gi mu dugeledego makhuvini mule. A di ganela navo khu gunonedzela, kholu a di khade gidudu.

Luka 20:6

Aholu ha gukhethu khu ga vathu, hi na rinyedwa siwindri khu vathu, kholu vatshavbo va gu wona Johane kha nga muprofeti nya lisine.”

Mithumo 10:11

a di wona Ndzadzini na gu tulegide, ni gilo nya gufanane ni mwendra nya khongolo na wu thawuludzidwe, na wu hungidwe khu dzitshokani dza dzina wu relela vbavbatshi.

Mithumo 10:17

Pedro, a di liwuga, a dzi wudzisa tshamuselo nya esi a nga si wonago. Va di vboha vathu va nga rumedwa khu Korineliyo, na va wudziside ndzila nya guhongole ndrangani ga Simoni, va di ta ema vbamwanyatunu.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

Dhewuteronome 18:18

Nyi na va wusela muprofeti vbakari ga vandriyawe, nya gufanane ni uwe, kanani gwaye nyi na thela magana yangu, uye a na va embela satshavbo nyi na gu mu rumago.

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Gutuledwa 11:10

Vathu va tigoni va na nengedziswa khu gufa nya dzifakazi dzedzi dza dzimbili. Va na ghiya bwelo khavbo va rumelana siningwa nya malosedzela, kholu vaprofeti vava va vavili va di gu va pwisisa wuvi.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

1 Samuweli 28:6

Sawule a di wudzisa Pfhumu Nungungulu, aholu Pfhumu Nungungulu, kha nga mu ninga phindrulo ambari khu ndroro, dzisolo mwendro khu vaprofeti.

1 Samuweli 3:15

Samuweli a di simama gu lala kala dzimindrudzile, a di wuga a tula malimba nya Nyumba ya Pfhumu Nungungulu, aholu a di khala hwanga gu embeledzela giwoniso ga Eli.

1 Samuweli 3:21

Pfhumu Nungungulu a di simama gu dzi wonegisa tigoni ga Silo. Kholu khavbo vbale Pfhumu Nungungulu a nga dzi wonegisago ga Samuweli, a dzi yeyedza khu magana yaye.