Mitengo 11:2 - Bhibhiliya Nya Guage

² Vathu va di lila ga Mosi, uye a di lombelela ga Pfhumu Nungungulu, wu tshimega nilo.

Mitengo 11:2 Iomraidhean Croise

Dzindzimo 106:23

Nungungulu a di khuye a na mbembisa va na Israyeli; Mosi, githumi gyaye nya gigodwa, a di ema mbeli ga Nungungulu a lombelela gasi gu bosisa likhulo laye.

Ekisodha 10:18

Mosi a di khuga mbeli ga Faro aya lombelela ga Pfhumu Nungungulu.

Ekisodha 34:9

a ganela, khuye: “Olu, nya gu bani nyi mane makategwa mbeli gwago, Pfhumu, gira wuhindzi U gimbila vbakari gwathu; kholu khu lisine, ava vathu nya gubange mihungo. Aholu, hi tsetselele guvivba gwathu ni sighoho sathu, U hi hakhe hi khala thomba yago.”

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Mitengo 12:11

Aroni a di embela Mosi, khuye: “Ama mune wangu, nyi ngu gu lomba u nga theli vbakari gwathu giwono gegi hi nga gi girago khu wupumbu wathu.

Mitengo 12:13

Khu guralo, Mosi a di lila ga Pfhumu Nungungulu, khuye: “Ama Nungungulu nyi ngu gu lomba gukheni, u mu vbanyise!”

Mitengo 21:7

Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.