Mitengo 11:1 - Bhibhiliya Nya Guage

¹ Va na Israyeli, va di phela gungurangura ga Pfhumu Nungungulu. Gikhati Pfhumu Nungungulu a nga si pwago, a di goroga ngudzu a khondrisa nilo nya guthise lizumboni, wu vbisa dzitshokhani nya lizumbo.

Mitengo 11:1 Iomraidhean Croise

Genesi 38:10

Magirelo yaya kha ma tsakisa Pfhumu Nungungulu. A di mu bayisa nuye a gufa.

2 Samuweli 11:27

Avbo a nga vbedzago gu gira gililo, Dhavhidhe a di rumela va ya mu dzega ata nyumbani nya wufumu; ata khala mwangadzi waye a mu velegela gyanana nya gikhwathana. Aholu esi si giridwego khu Dhavhidhe si di vivbide mahoni ga Pfhumu Nungungulu.

2 Dzipfhumu 1:12

Eliya a di va hakha, khuye: “Nya gu bani nyiri muthu wa Nungungulu, wu na tshige nilo khu ndzadzini, wu ta mbembisa uwe gumogo ni vathu vago nya livbandre magumi.” Wu di tshiga nilo khu ndzadzini wu ta mbembisa ndruna gumogo ni vathu vaye nya livbandre magumi.

Joba 1:16

Na si gu vbedzi gu ganela, gu dita wumbe mwango, wuta, khuye: “Nilo wa Nungungulu wu thegide khu ndzadzini, wuta vbisa tshambi watshavbo nya dzinvuta gumogo ni sithumi, nyi di tshala eni nyenga basi, nyi gu reselago mwango.”

Dzindzimo 106:18

Wu di tshiga nilo vbakari nya valandreli vawe, wu gu vbisa vathu vale vatshavbo nya guvivbe.

Dzindzimo 78:21

Na pwide esi, Pfhumu Nungungulu a di goroga, a tsayisa Jakobe khu nilo, likhulo laye li di engedzelana ga va na Israyeli.

Dzindzimo 78:63

Madzaha ma di dagarela khu nilo, vanyamahegyane va hamuga vama nya gudzegwe khavo.

Ekisodha 16:7

Vbadzimindrutunu, mu na wonani wugulu wa Pfhumu Nungungulu, kholu Uye pwide edzi mu nga mu bhongela khidzo. Gasi ethu hi vamani, gu kala mu hi wugelani?”

Ekisodha 16:9

Khavbo avbo, Mosi a di embela Aroni, khuye: “Ganela ga tshangano watshavbo wa na Israyeli, khuwe: Hidzimelani mbeli ga Pfhumu Nungungulu, kholu Uye pwide gubhonga gwanu.”

Isaya 10:17

Kholu Wenengedzo wa Israyeli wu na vbindrugedza wu khala nilo, ni Uye a Agidego waye, a na khala kha nga lilavbelavbe, li na vbisago li dagaredzisa miba ni sirangalabwa sa Asiriya khu litshigu limwedo basi.

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Gililo 3:39

Muthu nya guvbanye, gasi ginani a yelago gu lila khigyo? A gu yela gu lila khu sighoho saye. Nuni

Ezekiyeli 20:36

Kha nga edzi nyi lamudego khidzo vababe vanu giwulani gya Egipito, nyi na mi lamula nenu kharato. A ngu ganela Mune Pfhumu Nungungulu.

Levhi 10:2

Khavbo avbo, gu di duga nilo khu ga Pfhumu Nungungulu, wu va vbisa vafa mbeli ga Pfhumu Nungungulu.

Nahume 1:5

Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

Habhakuka 3:5

Mbeli gwaye gu di thanga mitungu; gasi hwane gwaye gu landrela madwali nya guthise.

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 11:18

Embela vathu, khuwe: Dzi agiseni gasi mindru mu hodzani nyama; kholu mu lide ga Pfhumu Nungungulu na mu gu ganela, khenu: Khu mani a na gu hi ningago nyama hi hodza? Kholu hi di khadzisegide gwadi tigoni ga Egipito. Khu guralo, Pfhumu Nungungulu a na mi ningani nyama mu hodza.

Mitengo 12:2

Va di ganela, khavo: “Ina kamwe Pfhumu a di ganela basi ga Mosi, gani? Ina kha ganela gwathu gambe, gani? Pfhumu Nungungulu a di si yingisa.

Mitengo 14:2

Va na Israyeli vatshavbo gumogo ni tshangano watshavbo va di ngurangura va wugela Mosi ni Aroni, va ganela khu gyawe, khavo: “I tshukwana na hi fede tigoni ga Egipito mwendro giwulani momu!

Mitengo 14:22

mwalo ni moyo ga vathu vatshavbo va wonidego wudhumo wangu, ni sisamadziso nyi giridego tigoni ga Egipito ni giwulani, aholu va nyi lingidego likhumi dzinyondro, va si yingisi lito langu;

Mitengo 14:27

“Kala lini na nyi gu timisela tshangano yoyu nya guvivbe na wu gu nyi wugela? Nyi pwide gungurangura ga va na Israyeli va nyi girelago litshigu ni litshigu.

Mitengo 14:28

U na va embela, khuwe: Kha nga olu nyi vbanyago, a ngu ganela Pfhumu Nungungulu, nyi na mu girela kha nga edzi mu ganedego dzindzeveni gwangu.

Mitengo 16:11

Khu guralo, uwe gumogo ni tsawa wago mwa gu wugela Pfhumu Nungungulu, gani? Gasi Aroni khwa mani nya gukala mu mu lembani?”

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Mitengo 17:5

Ndronga ya muthu nyi na muhathago, yi na thela wenge; khu magirelo yoyo, nyi na degudza va na Israyeli va khalago khu gu mi lemba.”

Mitengo 21:5

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

1 Vakorinto 10:10

Mu nga ganedzi, kha nga va nga gira vambe, va gu mbemba khu gufa.

Dhewuteronome 25:18

edzi a nga gu khingago khidzo ndzilani a ta gu dhumela khu hwane gwago, a sasela vatshavbo va nga bani va tshade khu hwane gwago, avbo u nga bani nu garade ni gu vbela tshivba; uye kha ninga githawo Nungungulu.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Dhewuteronome 9:22

Gambe mu goroside Pfhumu Nungungulu na muri Tabhera, Masa ni Kibroti-Hatahava.

Vahebheru 12:29

Kholu, khu lisine, Nungungulu wathu, nilo nya gupfhungumule.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.