Mitengo 10:9 - Bhibhiliya Nya Guage

⁹ Mwa gu soma nyimbi tigoni gwanu guya dwana ni valala vanu vatago va ta mi dhumela, gu vbweta mu womba mipundru yi dzuma ngudzu. Khu guralo, Eni Pfhumu Nungungulu, nyi na mi alakanyani nyi mi vbulugisa ga valala vanu.

Mitengo 10:9 Iomraidhean Croise

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

2 Dzikoronika 13:12

Wonani nya gukhenu Nungungulu a na ni ethu, thangide mbeli gumogo ni vaphasi vaye. Mipundru va wombago khya gu mi tivisani enu va na Israyeli; gasi mu si somi nyimbi mu dwana ni Pfhumu Nungungulu wa vababe vanu, kholu kha mu na dugelela.

2 Dzikoronika 13:14

Va na Judha va gu khedza va di dzi wona na va randredwe khu libutho ya valala khu hwane ni mbeli gwawe. Khavbo avbo, va di lila ga Pfhumu Nungungulu, vaphasi nya mhamba va womba mipundru.

Dzindzimo 106:4

Alakanya, Pfhumu Nungungulu khu lihaladzo nya vathu vago, delu U nyi resela guvbanyisa gwago.

Dzindzimo 106:42

Valala vawe va di va tshanisa, va gu va gira dzikhumbi dzawe.

Dzindzimo 136:23

a hi alakanyide gutshanisekani gwathu, kholu lihaladzo laye li ngu simama kala gupindruga;

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 4:21

Kala lini nyi na gu wona ngavbya, ni gupwa lito nya gudzume nya mipundru, na?

Jeremiya 4:5

Tivisani tigoni gwa Judha! Mu huwelela Jerusalema, khenu: Wombani pundru tigoni momu gwatshavbo! Khusani malito mu laledza mu ganela, khenu: Tombanani! Hongoleni hi thave hi tutumela madhoropani nya makhokhola!

Jeremiya 49:2

Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Ezekiyeli 7:14

Ambari mwa gu womba pundru, mu dzi dongisela gwadi, mwalo ni moyo a na hongolago nyimbitunu, kholu likhulo langu lomo vbatshani ga gidzemo gyatshavbo.”

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Levhi 23:24

“Embela sanana sa Israyeli, khuwe: Khu litshigu nya guphele nya ngima nya livbandre na wuvili, a gu litshigu nya guhefemule, mu na womba pundru mu ramba tshangano nya guage, mu ta alakanya ni gu kulungela litshigu lolo.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Sofoniya 1:16

Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Mitengo 31:6

Mosi a di va rumela gudwanatunu, lihundzu ni lihundzu na liri ni likhumi mazana vama, na vari ni Fineya, mwamana wa muphasi nya mhamba Eleyazari, nari ni sombo nya miphaso, ni mipundru nya guwombe gu tiviswa nyimbi.

1 Vakorinto 14:8

Pundru a gu pwala khu madzumelo nyamba tisega, khu mani a na dzi dongiselago guya nyimbini?

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Josuwa 6:5

Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Valamuli 10:12

ga va Sidhoni ni ga va na Amoni va nga bani va mu tshanisa, nyi mi tshudzisani mandzani gwawe, gani?

Valamuli 10:8

Khu mwaga wule kamwe, va di va hembulula ni gu va tshanisa; va vbedza likhumi na livbandre na miraru myaga na va gu tshanisa va na Israyeli vatshavbo va nga bani na va khade khu Khugadambo nya tsongo wa Joridhani, tigoni ga Vaamori, li manegago tigoni ga Gileyadhi.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

Valamuli 3:27

Na vbohide, a di gwela sigomoni sa Efrayimi a womba pundru, va na Israyeli va di relela naye khu gigomotunu, na thangide mbeli gwawe.

Valamuli 6:34

Khavbo avbo, Liphuvbo la Pfhumu li di bela ga Gidhiyoni, uye a di womba pundru, a tivisa va na Abhiyezeri gasi va ta tombana gwaye.

Valamuli 6:9

nyi mi vbulugiside mandzani ga Vagipiti ni ga vatshavbo va nga bani va mi tshanisa; nyi va tutumiside mbeli gwanu nyi bwelo khavbo nyi mi ninga litigo lawe;

1 Samuweli 10:18

a ganela ga sanana sa Israyeli, khuye: “Pfhumu Nungungulu wa Israyeli, a ngu ganela kharati, khuye: Eni nyi mi duside khu tigoni ga Egipito, nyi mi vbulugiside mandzani ga Vagipiti ni mandzani ga mifumo yatshavbo yi nga bani yi mi tshanisa.