Mitengo 10:10 - Bhibhiliya Nya Guage

¹⁰ Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mitengo 10:10 Iomraidhean Croise

2 Dzipfhumu 4:23

Uye a di mu wudzisa, khuye: “Wa gu yela ginani iyo gwaye muhuno? Khandri litshigu nya Buzo nya gumege nya Ngima, gambe khandri Sabhadho.” Nyamayi a di hakha, khuye: “U nga garadzegi.”

1 Dzikoronika 15:24

Vaphasi nya mhamba Sebhaniya, Josafati, Nataniyeli, Amasayi, Zakariya, Bhenaya ni Eliyezeri avo va di gu womba mipundru mbeli nya Ngasa ya Nungungulu. Obhedhi-Edhomi, ni Jeya, a diri vawoneleli nya Ngasa.

1 Dzikoronika 15:28

Vatshavbo va na Israyeli, avo va nga bani va gu vbwelegedza Ngasa nya Gidzumeledzwano gya Pfhumu Nungungulu, va di kulungela khu gutsaka na va gu womba siphaphato ni mipundru, singomana, sitendre ni dzimbila.

1 Dzikoronika 16:42

gumogo navo gu diromo Hemani ni Jedhutumi, va nga bani va womba mipundru ni siphaphato nya dzisimbi dzimindrudzile nya gudhumise Nungungulu; va na Jedhutumi va diri vawoneleli nya dzinyangwa.

2 Dzikoronika 29:26

Va na Levhi va di emide na va pharide dzingoma dza Dhavhidhe, vaphasi nya mhamba na vari ni mipundru.

2 Dzikoronika 29:28

Gikhati gu nga bani na gu embeledwa ndzimo ni gu wombwa mipundru, tshangano watshavbo wu di khidzima, kala gu vbela gu girwa mhamba nya guvbiswe.

2 Dzikoronika 7:6

Vaphasi nya mhamba va di phela gu gira thumo wawe gumogo ni va na Levhi, na va pharide dzingoma nya wutsendze nya guwombele Pfhumu Nungungulu, edzi mufumeli Dhavhidhe a nga bani a va rumide gu gira gasi gudhumisa khidzo Pfhumu, kholu wuwadi waye khwa gu simama kala gupindruga, vaphasi nya mhamba va di gu womba mipundru na va khedzanide ni va na Levhi, vatshavbo va na Israyeli na va emide.

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Nehemiya 12:35

ni vambe nya sanana sa vaphasi nya mhamba na vari ni mipundru, a gu ava: Zakariya, mwamana wa Jonatane, mwamana wa Semaya, mwamana wa Mataniya, mwamana Mikeya, mwamana wa Sakuri, mwamamana wa Asafe,

Dzindzimo 150:3

Mu dhumiseni na mu gu womba mipundru; mu dhumiseni khu sitendre ni mihwambi!

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 81:4

Kholu oyu nayo ga va na Israyeli, guruma ga Nungungulu wa Jakobe.

Dzindzimo 89:15

Va kategide vathu va gu khozelago khu lisine gu wombela mikulungwane, va vbanyago mbeli ga Pfhumu Nungungulu, gungangamelani nya khovbe yaye.

Ekisodha 28:29

Avbo Aroni a na belago Wulangani nya Guage a na rwala khanani gwaye, malina ya sanana sa Israyeli ma lovidwego vbagikhwesotunu nya mahungu, gasi gu khala gialakanyiso nya gupindruge mbeli ga Pfhumu Nungungulu.

Ekisodha 30:16

U na dzega dzitsapawu nya dzegiso dzi livbwago khu sanana sa Israyeli u dzi thumisa thumoni nya Tshatsha nya Tshangano; tshenga yeyi nya dzegiso yi na khala kha nga gidundrugiso ga sanana sa Israyeli mbeli ga Pfhumu Nungungulu, kha nga tengo nya gulivbe guvbanya gwanu.”

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Levhi 23:24

“Embela sanana sa Israyeli, khuwe: Khu litshigu nya guphele nya ngima nya livbandre na wuvili, a gu litshigu nya guhefemule, mu na womba pundru mu ramba tshangano nya guage, mu ta alakanya ni gu kulungela litshigu lolo.

Mitengo 10:9

Mwa gu soma nyimbi tigoni gwanu guya dwana ni valala vanu vatago va ta mi dhumela, gu vbweta mu womba mipundru yi dzuma ngudzu. Khu guralo, Eni Pfhumu Nungungulu, nyi na mi alakanyani nyi mi vbulugisa ga valala vanu.

Mitengo 28:11

“Khu litshigu nya guhegule nya ngima ni ngima, mu na ningela phaso nya guvbiswe ga Pfhumu Nungungulu, a gu owu: Dzimombe dzimbili, nvuta mweyo, livbandre na dzimbili dzihambana nyamba hasa, nya mwaga moyo,

Mitengo 29:1

“Khu litshigu nya guhegule nya ngima nya livbandre na wuvili, mu na gira tshangano nya guage; mu nga thumi thumo nya gulemele khu litshigu lolo, avbo gwanu li na bani liri litshigu nya guwombwe mipundru!

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.

1 Vakorinto 15:52

isoso si na girega khu gikhati gimwegyo basi, khu gukhwavbila nya maho, gikhati wu na wombago pundru nya mahegiso. Wa gu pwala pundru, ava va fudego va na wuga va vbanya nyamba fa gambe, gasi ethu, hi na vbindrugedza giemo.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

1 Vatesalonika 4:18

Khu kharato, tangadzisanani moyo ni moyo khu mahungu yaya.

Josuwa 4:7

mu na si hakhani, khenu: Avbo Ngasa nya Gidzumeledzwano gya Pfhumu Nungungulu yi nga tshatugago tsongo wa Joridhani, mati yaye ma di kabanega khu vbakari Ngasa ya Pfhumu Nungungulu yi tshatuga. Siwindri sesi si na khala gialakanyiso kala gupindruga ga va na Israyeli.”

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

1 Samuweli 20:5

Khavbo avbo, Dhavhidhe a di hakha, khuye: “Mindru, litshigu nya buzo nya gumege nya Ngima, nyi fanede guya lalela ni mufumeli; aholu nyi dige nyi ya sihala khabini kala li pfola lidambo nya litshigu nya wuraru.”