Mitengo 1:53 - Bhibhiliya Nya Guage

⁵³ Aholu, va na Levhi, va na ghova khu vbavbandze nya Tshatsha nya Gidzumeledzwano va wu randrela, kha nga vawoneleli, gasi likhulo la Nungungulu li si wugeli va na Israyeli.”

Mitengo 1:53 Iomraidhean Croise

1 Dzikoronika 23:32

Va sayisa ni gu wonelela Tshatsha nya Tshangano, ni gu sayisa Wulanga nya Guage, ni gu phasa vandriyawe va na Aroni, thumoni wa Nyumbani gwa Pfhumu Nungungulu.

2 Dzikoronika 13:10

Aholu, ethu, Pfhumu, khuye Nungungulu wathu, gima kha hi na mu diga, hi na ni vaphasi va thumago thumo wa Pfhumu, va na Aroni, ni va na Levhi, khavo va girago thumo yoyo.

2 Dzikoronika 13:11

Litshigu ni litshigu, vbadzimindrutunu ni silambosile, va gu ningela dzimhamba nya guvbiswe, ni guvbisa libani nya gunungele; va gu vega sibaba nya miphaselo vbamezatunu nya miphaso; va khondrisa dzikandriya nya ndralama vbamezatunu gakone matshigu yatshavbo vbasilambotunu. Kholu ethu hi ngu landrisa Nayo wa Pfhumu Nungungulu, oyu enu mu mu digidego.

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Levhi 10:6

Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Mitengo 1:50

aholu uwe va rwege thumo nya gusayise Tshatsha nya Gidzumeledzwano ni sombo saye, ni satshavbo si lumbago umo. Avo va na rwala Tshatsha ni sombo saye satshavbo; va na thumela ndrani nya Tshatsha, va wu randrela khu vbavbandze.

Mitengo 1:54

Va na Israyeli va di gira satshavbo esi Pfhumu Nungungulu, a leletedego Mosi; va di gira kharato.

Mitengo 16:46

Mosi a di embela Aroni, khuye: Dzega givbiselo gyago nya libani u thela umo magala ya vbagiluvelotunu, u thela libani. Indra khu gu vbiredza vbakari nya tshangano u ya gira phaso nya ditshedzo, kholu Pfhumu Nungungulu gorogide ngudzu; wu ngu phela tungu.”

Mitengo 16:9

Ina enu mwa gu wona nari gilo nya gidugwane olu Nungungulu wa Israyeli a mi hathidego vbakari nya tshangano wa na Israyeli, a mi hidzimisa vbafuvbi gwaye gasi mu ta thuma thumo wa Walangani nya Guage wa Pfhumu Nungungulu, ni gu ema mbeli nya tshangano kha nga vathangeli vaye, gani?

Mitengo 17:7

Khu guralo, Mosi a di vega dzindronga dzedzi mbeli ga Pfhumu Nungungulu, umo nya Tshatsha nya Gidzumeledzwano.

Mitengo 2:17

Gu na landrela Tshatsha nya Tshangano, gumogo ni lizumbo la va na Levhi na liri khu vbakari ni vbakari nya mambe mazumbo; edzi va nga bani vari khidzo vbalizumbotunu, khidzo gambe kharato va na khugago khidzo va gimbila, moyo ni moyo wulangani gwaye, gukhedza khu dzingavbya dzawe.

Mitengo 3:23

Linyumba la na Gerisoni va di ya ghwimba mitshatsha yawe khu hwane nya Tshatsha wa Nungungulu, khu phuvbo ga Pfoladambo.

Mitengo 3:29

Lihundzu la sanana sa Khowati, va na ghwimba mitshatsha yawe vbafuvbi ni Tshatsha nya Tshangano, khu phuvbo ga Marandzi.

Mitengo 3:35

Muthangeli nya dzinyumba dza va na Merari a na bani ari Zuriyeli, mwamana wa Abhiyayili; avo va na tsitsa mitshatsha yawe vbafuvbi ni Tshatsha nya Tshangano, khu phuvbo ga Wuronga.

Mitengo 3:38

Ava va na ghwimba mitshatsha yawe mbeli ga Nungungulu, khu phuvbo ga Khugadambo nya Tshatsha nya Tshangano, gu khedza gugyatunu. Mosi ni Aroni gumogo ni sanana sawe khavo va na gu sayisago Wulanga nya Guage, ni gu sayisa sanana sa Israyeli; a gu hidzimela mumbe muthu wa walo, a na songwa.

Mitengo 31:30

Aholu, ga giavelo gya na Israyeli, khu ga livbandre magumi, mu na dusa hungo moyo, umo nya vathu, nya dzimombe, nya dzinvuta ni ga dziburu, satshavbo si vbanyago mu na si ningela ga va na Levhi, avo va sayisago Tshatshani wa Pfhumu Nungungulu.”

Mitengo 31:47

Avbo nya gipandre gya va na Israyeli, Mosi a di dzega ga moyo ni moyo ga avo nya gikwata nya livbandre magumi, umo nya vathu numo nya sifuyo, a ningela ga va na Levhi avo va sayisago Tshatsha wa Pfhumu Nungungulu, kha nga idzo Pfhumu Nungungulu, a rumidego khidzo Mosi.

Mitengo 8:19

Aholu va na Levhi va ningedwego Aroni ni sanana saye, vbakari ga va na Israyeli, nyi va ningede gasi va thumela va na Israyeli umo nya Tshatsha nya Tshangano, ni gu gira phaso nya ditshedzo khu avo, gasi gu si manegi tsayiso vbakari ga va na Israyeli, va gu hidzimela Vbawulangatunu nya Guage.”

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.