Mitengo 1:36 - Bhibhiliya Nya Guage

³⁶ Ga livelego la Bhejami, va di lovedwa gukhedza khu mapango yawe ni dzinyumba dza vababe vawe, muthu ni muthu a di lovedwa khu lina laye, vatshavbo va enedzidego magumavili myaga guya mbeli, na va gu kodza gu soma matshari guya nyimbitunu.

Mitengo 1:36 Iomraidhean Croise

Genesi 44:20

Ethu hi hakhide ga pfhumu yathu, khethu: Hi na ni babe a gumbidego, ni ndriyathu a ngari gu gyanana, a mu velegidego wukhosaneni waye. Ndriyaye fude, gutshala uye basi ndrani ga mayi waye. Babe waye a gu mu gola ngudzu.

Genesi 46:21

Sanana sa Bhejami, khesi: Bhela, Bhekeri, Asibheli, Gera, Nahamani, Eyi, Rosi, Mupimi, Hupimi ni Aridhi.

Genesi 49:27

Bhejami lisolwa nya guhavbe; dzimindrudzile a gu khura khu gu songetela, kala gupfolani nya lidambo a kabanisela phango.

2 Dzikoronika 17:17

Ga va na Bhejami, gu diri, Eliyadha, mwama nya ndrena, uye a diri ni mazana mavili magumi mazana (200.000) vama nya gusome khu malaho ni sitshangu.

Mitengo 1:35

Ga lihundzu la Manasi, gu di lovedwa magumararu na mavili magumi ni mazana mavili (32.200).

Mitengo 1:37

Avbo nya lihundzu la Bhejami, gu di lovedwa magumararu na livbandre magumi ni mazana mana (35.400).

Gutuledwa 7:8

nya lihundzu la Zebhuloni, va diri likhumi na mavili magumi mazana (12.000); nya lihundzu la Josefe va diri likhumi na mavili magumi mazana (12.000); nya lihundzu la Bhejami, va diri likhumi na mavili magumi mazana (12.000).

Valamuli 20:15

Khu litshigu lolo, gu di sayedwa va na Bhejami nya gudugele madhoropani, gu duga tengo nya magumavili na livbandre na limwedo magumi mazana vama (26.000) avo nya gu kodze gu soma matshari, vbavbandze ga vavbanyi va Gibheya, gu di duga tengo nya livbandre na mavili mazana (700) vama nya dzindrena.