Mikeya 7:9 - Bhibhiliya Nya Guage

⁹ Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Mikeya 7:9 Iomraidhean Croise

2 Samuweli 24:17

Avbo Dhavhidhe a nga wona Ngilozi nya gumbembise vathu, a di ganela ga Pfhumu Nungungulu, khuye: “Wona, kheni nyi ghohidego, kheni nyi giridego guvivba gwatshavbo gogu; gasi dzinvuta dzedzi, ginani dzi ghohidego? Gyandza gyago, gi na vete eni gumogo ni ndranga ya babe wangu.”

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Joba 35:14

Nya nga olu u nga ganelago khuwe khu mu woni, mahungu yago momo mbeli gwaye; khu guralo, mu lirele.

Dzindzimo 119:154

Vhikela mahungu yangu u nyi tshula, nyi vbanyise kha nga gutumbisa gwago.

Dzindzimo 37:6

A na wonegisa gululama gwago kha nga wenengedzo ni dzifanelo dzago kha nga lidambo li wenengedzago vbamihanitunu.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 7:6

Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Dzindzimo 94:15

Aholu gulamula gu na girwa gambe khu nayo, avo va agidego myonyo va na gu landrela.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Jeremiya 10:19

Yowe! Libango langu khu kotani nya gumbembiswe gwangu, mbanga yangu yi mwalo rendre! Ambari khu guralo nyi di, kheni: Owu khu tsayiso wangu, nyi fanede gu wu rwala.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 51:10

Pfhumu Nungungulu a hi lamulede; hongoleni Siyoni hi ya tivisa vambe, iso hi giredwego khu Pfhumu Nungungulu wathu.

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Levhi 26:41

iso si nga nyi girago nyi hambana navo, nyi va yisa tigoni ga valala vawe; myonyo yawe nya gulemele ya gu dzi thesa vbavbatshi, khu milandru yawe,

Malakiya 3:18

Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”

1 Samuweli 25:39

Avbo Dhavhidhe a nga pwago gupwani Nabhali fude, a di ganela, khuye: A na bongwe Pfhumu Nungungulu uye a emidego ni eni khu mahungu nya guvadwe khu Nabhali, a nyi vhikela gu gira guvivba, Pfhumu Nungungulu, a gira Nabhali a thegedwa khu guvivba a gu giridego hungoni gwaye. Dhavhidhe a di rumela guya embela Abhigayili gukhuye a di gu gola gu a khale mwangadzi waye.

1 Samuweli 26:10

Dhavhidhe a di engedza gambe, khuye: “Nyi ngu sambanya khu Pfhumu Nungungulu a vbanyago, kheni Uye Pfhumu Nungungulu a na mu songa, mwendro la gu vboha litshigu laye a nafa, mwendro a gu hongola nyimbitunu a naya songwa.

1 Samuweli 3:18

Khavbo avbo, Samuweli a di mu embeledzela satshavbo nyamba siha ni gimwegyo. Eli a di khuye: “Pfhumu Nungungulu a na gire iso a si wonago na siri sadi.”