Mikeya 7:8 - Bhibhiliya Nya Guage

⁸ Uwe nala wangu, u nga tsaki kholu nyi thegedwego khu libango; ambari nya gu bani nyi thegide, nyi na wuga nyaluphye; ambari nya gu vbanya gidemani, Pfhumu Nungungulu a na khala wenengedzo wangu.

Mikeya 7:8 Iomraidhean Croise

Joba 31:29

Nya gu bani nyi nengede khu gu wona nala wangu na gu thegedwa khu libango, mwendro nyi ghiya khu gu uye na dugeledwe khu sigaradzo;

Dzindzimo 112:4

Wenengedzo wu ngu wenengedza gidemani ga muthu nya gululame; uye a na ni wuhigo, wuhindzi ni gululama.

Dzindzimo 143:3

Kholu nala a gu nyi sanisa a nyi gandredzela vbavbatshi; a nyi gurumedza gu vbanya wulangani nya gidema, kha nga avo va fudego khu gale.

Dzindzimo 20:8

Avo va gu tshunganela va thega; ethu ha gu khuga hi ema na hi tiyide.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 35:19

Valala vangu va nga nengeli khu gutshaniseka gwangu, ma nga khwavbigi maho ya vale va nyi zondrago nyambana nandru.

Dzindzimo 37:21

Muthu nya guvivbe a gu lomba kha bweledzi; gasi muthu nya gululame a gu pwela wuhindzi a ningela.

Dzindzimo 37:24

a gu tshunganela kha thegi, kholu Pfhumu Nungungulu a ngu mu phara khu libogo.

Dzindzimo 38:16

Kholu eni nyi di gukheni: “Va nga ghiyi kheni ngondro wangu wa gu kwiriga.”

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 97:11

Wenengedzo wu na wonege ga va nya gululama, ni gutsaka gu manega ga vathu nya myonyo nya gululame.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 49:9

ni gu embela avo va khothedwego, khuwe: “Dugani pasoni!” Ni ga avo va guromo gidemani, khuwe: “Deluni guwonegelani.” Avo va na hodza dzindzilani, ni malangani yatshavbo nya sigomo va na mana guhodza nya gungi.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Jeremiya 48:27

Gasi wa gu wona Israyeli a di siri gilo nya gihegiso avbo gwago, gani? Ina uye a di manwa wuvafani, gani? Khu ginani u hegago gikhati gyatshavbo va ganelago khuye?

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 8:4

Va embele gambe, khuwe: Pfhumu Nungungulu a ngu ganela kharati, khuye: Ina muthu a gu thega kha kodzi guwuga gambe, gani? A gu ndreya ndzilani kha na wuya gambe, gani?

Ezekiyeli 25:6

Kholu, Mune Pfhumu Nungungulu a ngu ganela kharati, khuye: Kha nga olu enu mu khwakhwathedego mandza ni gu kinga vbavbatshi khu migondro, monyo na wu tsaka khu guvivba gwatshavbo nya guwugele Israyeli,

Ezekiyeli 35:15

Kha nga idzo u tsakidego khidzo khu gu pfhungumudwa ga Israyeli, nyi na gu gira nuwe kharato; uwe gigomo gya Seyiri gumogo ni Edhomi gwatshavbo, mu na pfhungumudwa, khavbo mu na dzitigo gukhenu eni kheni Pfhumu Nungungulu.

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Obhadhiya 1:12

Gambe uwe u diri mwalo fanelo nya gutsake khu gu khevisela litshigu la ndriyago, litshigu ndriyago a thegedwego khu libango; ambari gu tsakiswa khu gu wona gumbembiswa ga va na Judha, ambari gu ganela khu matshandza avbo u nga mu wona na gu tshaniseka;

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Malakiya 4:2

Aholu gwanu enu mu ningago githawo lina langu, gu na ngangamela lidambo nya wululamo li na resago guvbanyisa dzimbapini gwaye; enu mu na duga na mu gu ndragandraga kha nga simombyana si dugago khu phandroni.

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

2 Vakorinto 4:9

Hi ngu saniswa, aholu kha hi digi muphelo, hi ngu bayiswa, aholu kha hifi.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.