Mikeya 7:6 - Bhibhiliya Nya Guage

⁶ Kholu, gyanana nya gikhwathana gya gu yeyisa babe waye, nyamahegyane a wugela mayi waye, ngadzamwane a wugela mayinasale; valala nya muthu khu valongo va ndrangani gwaye kamwe.

Mikeya 7:6 Iomraidhean Croise

Genesi 49:4

U khugegide kha nga libimbi, khu na nga khala muthangeli, kholu u ghohede lidawu la babe wago. U nyenyeziside wuzundzo nya lidawu langu.

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

Dzindzimo 41:9

Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

Mavingu 30:11

Gu na ni vathu vale va valago babe wawe, ambari ni gumba zundza mayi wawe.

Mavingu 30:17

Maho nya muthu a kanyisago babe waye, ni gumba yingisa mayi waye, ma na rumbudwa khu vamahigonganye, ma rothedwa khu sifondro nya lighama.

Isaya 3:5

Va na tshanisana khu gyawe; muthu ni muthu a na wugela muthu kwawe, gyanana gi na wugela lidhota, ni muthu nya nyalidede a na wugela muthu nya guthavisege.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 9:4

Moyo ni moyo a na dzi wonele ga pari yaye, gambe a nga tumbi valongo vaye; kholu valongo vatshavbo gi mwalo va girago, vbavbandze nya gu zame gu kanganyisa basi, ni dzipari dzatshavbo nidzo dza gu gira milembo basi.

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Obhadhiya 1:7

Mayigo yatshavbo u pwananago navo, ma gu pengiside ma gu yisa vbavbandze nya litigo lago; ni avo va londrolago gurula gwago va gu pfhadzide va gu pala; ni avo va hodzago guhodza gwago, va gu dembede naphwi migondroni gwago; tigoni gwa Edhomi, wu mwalo pwanano.

Matewu 10:21

Ndruye a na songa ndriyaye; babe a songisa mwanaye; sanana si na wugela vavelegi si va songa.

Matewu 26:23

Uye a di va hakha, khuye: “Uye nyi bagago gumogo naye mbiyani, khuye a na gu nyi ningelago.

Luka 12:53

Babe a na wugela mwanaye, mwamana a na wugela babe; mayi a na wugela mwanaye, nyamahegyane a na wugela mayi; ni mayinasale a na wugela ngadzamwane, ngadzamwane a na wugela mayinasale.”

Luka 21:16

Gu na dzega ni vababe vanu, vandriyanu, valongo ni dzipari va mi ningelani. Vambe va na khu gu songwa.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’