Mikeya 7:4 - Bhibhiliya Nya Guage

⁴ Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Mikeya 7:4 Iomraidhean Croise

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 22:5

Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Isaya 55:13

Wulangani nya likhabi nya miba gu na buga mipinyu (ndziri), ni wulangani nya sirangalabwa gu na buga senge nya likhomwa (murita); esi si na bani siri wuzundzo ga Pfhumu Nungungulu ni gialakanyiso nya gupindruge gi na gumba divadwa gambe.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 11:23

Kha gu na tshala ni moyo wawe, kholu nyi na resa mhango ga vathu va Anatoti, khu mwaga nya tsayiso yawe.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Ezekiyeli 28:24

Kha gu na manega gambe ndrangani ga Israyeli miba yi na gu va payago, ambari sirangalabwa nya gu va pwise wuvi, vbakari ga vaakelane va va hembululago, gambe va na dziti nya gukhavo Eni kheni Mune Pfhumu Nungungulu.

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

Luka 21:25

“Gi na manega giwonegiso damboni, ngimani numo nya dzinyeledzi; mafuni gu na manega tshanisa vbakari nya mayigo, ma na thedwago rerema khu gudzuma nya mavimbi ya linene,

Vahebheru 6:8

Aholu, mafu yale ma ningago likhabi nya miba basi, kha ma phasi gilo, ma gu vadwa khu Nungungulu ma hegisa khu gu vbiswa.