Mikeya 7:14 - Bhibhiliya Nya Guage

¹⁴ Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mikeya 7:14 Iomraidhean Croise

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 143:5

Nyi ngu dundruga matshigu ya gale, nyi ngu pimisela mithumo yago yatshavbo, nyi ngu alakanya siliwugiso u giridego khu mandza yago.

Dzindzimo 28:9

Vbanyisa vathu vago, kategisa thomba yago; va havise, u va hetedza kala gupindruga.

Dzindzimo 95:7

Kholu Uye khuye Nungungulu wathu ethu hi vathu vaye, hi dzinvuta nya tshambi waye; muhuno mwa gupwa lito laye,

Ekisodha 33:16

Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”

Gizimba 4:1

Mwama —Idzo u mburidego khidzo gigodwa gyangu! Ah, idzo u mburidego khidzo. Maho yago gukhwatshi maho nya lituva khu ndrani nya gifenengelo gyago. Ndzudzu wago wa gu fanana ni tshambi nya dziphongo dzi havago gigomoni gya Gileyadhi.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 65:10

Panini ga Saroni gu na khala wulanga nya wuhaviselo nya dzinvuta, ni kova wa Akora, wu na khala lizumbo nya dzimombe, la vathu vangu va nyi ningago githawo.

Jeremiya 49:31

Khugani mu eme, indrani mu ya dwana ni litigo li guromo gurulani, li vbanyago khu gu dzi tumba a ngu ganela Pfhumu Nungungulu; li gu mwalo malimba, ambari sikwinyaro, li khadego tendrelani nyamba tshirwa khu gilo.

Gililo 1:7

Olu, ga matshigu yaya nya wuvi ni gutshaniseka, Jerusalema a ngu alakanya silo saye nya gu si gole ngudzu, si nga bani si mu lumba ga matshigu ma vbindridego; avbo vathu vaye va nga thegela mandzani ga nala wawe, mwalo ni moyo a nga tago a ta mu phasa, valala va di mu hega ni gu mu tsorodzela khu guthega gwaye. Heti

Gililo 5:21

Pfhumu Nungungulu, hi wuyise iyo gwago gasi hi khale vathu va wuyago khu lisine. Hi khodza guta vbanya nga matshigu ya gale.

Ezekiyeli 36:11

Nyi na engedzela gwanu vathu ni sirengo; avo va na engedzelana, ni melego wawe wu na andra; gu na bwelo khavbo gu manega gambe vathu nya gukhale malangani momo kha nga gale, nyi na mi andrisa ngudzu guvbindra guhegulani; a ngu ganela Pfhumu Nungungulu.

Levhi 27:32

Aholu ga satshavbo esi nya gipandre nya likhumi nya sifuyo nya sikhongolo nesi nya sidugwana, ni satshavbo esi si ningedwago khu ndronga ya muhavisi, gipandre nya likhumi gi na phasedwa Pfhumu Nungungulu.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Obhadhiya 1:19

Avo va Negebhi va na fumela gigomo gya Esawu; avo va mapanini, va na khozisa litigo nya Vafilisitiya, va na phanga gambe marembwe ya Efrayimi ni ya Samariya, Bhejami a na fuma litigo la Gileyadhi.

Mikeya 5:4

Uye a na simama a havisa vathu tshivbani ga Pfhumu Nungungulu, ni wugulu nya tshivba khu lina la Pfhumu Nungungulu waye avo va na khala mugurulani, kholu wugulu waye wu na vboha kala mahegiso nya litigo.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Zakariya 10:10

Nyi na va gira va wuya khu tigoni ga Egipito, nyi na va tombanisa va duga tigoni ga Asiriya, nyi na va dzega nyi va yisa tigoni ga Gileyadhi ni Libhanoni, ga avo gu na bani guri mwalo wulanga nya guenele.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.

Malakiya 3:4

Khavbo miningelo ya Judha ni ya Jerusalema yi na salalegisago Pfhumu Nungungulu, kha nga matshiguni ya gale, kha nga myaga nya guhegule.

Mitengo 23:9

Kholu nyi ngu mu wona na nyiri khu vbatshani nya siwindri, nyi mu khedza na nyiri khu vbatshani nya sigomo! Vathu vava va vbanyago phuvbo, nyamba patana ni mambe mayigo.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:4

mayigo yale Pfhumu Nungungulu a ma sasedego mbeli ga tshangano wa na Israyeli, mayigo nya yadi gasi gu havisa umo mitshambi. Ethu sithumi sago hi na ni mitshambi.”

Matewu 2:6

Uwe Bhetlehema, litigo la Judha, khu vbindrwi khu mayigo nya makhongolo ya Judha, kholu muthangeli a na gu thangelago vathu vangu va na Israyeli, a na duga khavbo gwago!”

Johane 17:16

Avo kha va lumbi litigo, kha nga eni neni nyi si lumbigo litigo.

Dhewuteronome 33:28

Khu guralo, Israyeli a na khala na tiyide, ni nambo wa Jakobe wu na khadzisega, tigoni nya tirigu ni vbinyu, gu thegago thondrwane khu damboni.