Mikeya 7:10 - Bhibhiliya Nya Guage

¹⁰ Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Mikeya 7:10 Iomraidhean Croise

2 Samuweli 22:43

Eni nyi di va tshigira kha nga kudzudzwane nyi va suga nyi va gandredzela kha nga maraga ya mu dzindzilani.

Dzindzimo 109:29

Avo va nyi nyenyago va na tale khu dzitshoni, dzitshoni dzawe dzi na va fenengedze kha nga guambala.

Dzindzimo 115:2

Khu ginani va nya mayigo va na simamago gu wudzisa, khavo: “Womo hayi Nungungulu wanu?”

Dzindzimo 18:42

Eni nyi di va kuya kha nga kudzudzwane wu phalalegiswago khu phuvbo, nyi di va dzudzuga kha nga maraga ya ndzilani.

Dzindzimo 35:26

Va na khale dzitshoni va khunguvanyega, avo va nengelago khu gu saniseka gwangu; va na tale khu dzitshoni ni wusiwana avo va dzi khusedzago tshivbani gwangu.

Dzindzimo 42:10

Khu ginani nyi tshanisekago kharati? Valala vangu va gu nyi vala, gikhati gyatshavbo va gu nyi wudzisa, khavo: Womo hayi Nungungulu wago?”

Dzindzimo 42:3

Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

Dzindzimo 58:10

Muthu nya gululame a na nengela a gu wona na va gu phodzedwa va nya guvivba; a na hamba migondro novbani gwawe.

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Dzindzimo 92:12

Va nya gululama va na buga kha nga ngindru, va dandra nga misimbo nya sedhari ya Libhanoni.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Jeremiya 49:15

Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Obhadhiya 1:12

Gambe uwe u diri mwalo fanelo nya gutsake khu gu khevisela litshigu la ndriyago, litshigu ndriyago a thegedwego khu libango; ambari gu tsakiswa khu gu wona gumbembiswa ga va na Judha, ambari gu ganela khu matshandza avbo u nga mu wona na gu tshaniseka;

Mikeya 4:11

Olu mayigo nya mangi ma tshanganide gasi gu gu wugela, ma ganela khayo: “Siyoni a na nyenyeziswe, gasi maho yathu, ma fela gu wona gunavela gwawe.”

Mikeya 7:8

Uwe nala wangu, u nga tsaki kholu nyi thegedwego khu libango; ambari nya gu bani nyi thegide, nyi na wuga nyaluphye; ambari nya gu vbanya gidemani, Pfhumu Nungungulu a na khala wenengedzo wangu.

Sofoniya 3:15

Pfhumu Nungungulu ndreyiside sitsayiso a nga bani a dongisede guta gu tsayisa khiso, a tutumiside hwindzo valala vago, Pfhumu Nungungulu, Mufumeli wa Israyeli, womo vbakari gwago. Gima khu na nga wona gambe guvivba.

Zakariya 10:5

Na va patane vatshavbo va na fanana ni dzindrena nyimbitunu dzi gandredzelago valala maragani ya dzindzilani; kholu Pfhumu Nungungulu womo vbakari gwawe, aholu a na thela dzitshoni vale va khiledego dzikavalu.

Malakiya 1:5

Enu mu na si wonani esi khu maho yanu, mu na ganelani, khenu: Pfhumu Nungungulu a na khusedzwe ambari ni ga mayigo ma guromo vbavbandze ga Israyeli.

Malakiya 4:3

Mu na gandredzela sighohi, kholu va na fanana ni nguma vbavbatshi nya migondro yanu ga litshigu lile nyi li dongisedego; a ngu ganela Pfhumu Nungungulu nya Tshivba Yatshavbo.

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.