Mikeya 6:5 - Bhibhiliya Nya Guage

⁵ Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Mikeya 6:5 Iomraidhean Croise

Dzindzimo 111:4

Giride gukhuye siliwugiso saye si na alakanywe; Pfhumu Nungungulu a na ni wuhindzi gambe tade khu wuwadi.

Dzindzimo 143:11

Pfhumu Nungungulu, nyi vbanyise khu kotani nya lina lago, nyi tshule gigaradzoni nya gikhongolo khu gululama gwago.

Dzindzimo 36:10

Thawuludza wuwadi wago ga vale va gutigo, ni nayo wago ga vale nya myonyo yi lulamidego.

Dzindzimo 71:19

Gululama gwago, Nungungulu, gu ngu khusega kala ndzadzini. Uwe Nungungulu U giride silo nya sikhongolo ngudzu, khu mani nya gufanane ni uwe?

Isaya 1:27

Siyoni a na dzegiswa khu wululami, ni avo va na dzi layago va wuya gwaye, khu gululama.

Mitengo 22:41

Na gu ngari dzimindru ngudzu, Bhalaki a di ya dzega Bhalahama a gwela naye Bhamoti-Bhahali, Bhalahama a di ya wona khu vbale mahegiso nya lizumbo nya vathu va na Israyeli.

Mitengo 23:27

Bhalaki a di embela gambe Bhalahama, khuye: “Hongole nyi gu yise ga wumbe wulanga; mwendro Pfhumu Nungungulu a na ya dzumela gukhuye u va vale khu vbale.”

Mitengo 25:1

Avbo va na Israyeli va nga bani va vbahide tigoni ga Sitimi, vathu va di bhaya ni vanyamahegyane va na Mowabhi.

Mitengo 25:2

Avo va di ndrindredzela vathu umo nya miphaso ya vanungungulu vawe; khu guralo, vathu va na Israyeli va di hodza dzimhamba dzodzo, va wuya va khidzimela vanungungulu vawe, va va girela miphaso.

Mitengo 31:16

Wonani nya gukhenu, vanyamayi khavo va nga ghohisa va na Israyeli mbeli ga Pfhumu Nungungulu khu silayelo sa Bhalahama, gu kala va na Israyeli va ghoha mbeli ga Pfhumu Nungungulu, khu makungo ya Bhahali-Peyori, gu kala gu duga tungu wule tshanganoni ga Pfhumu Nungungulu.

Mitengo 31:8

Va di songa gambe ni vafumeli va Vamedhiyani, vbakari ga avo va nga songwago va di romo navo Evhi, Rekemi, Zuri, Huri ni Rebha, a gu livbandre vafumeli va Vamedhiyani; va di songa gambe khu litshari Bhalahama, mwamana wa Bheyori.

Mitengo 33:49

va di ya zumba vbafuvbi ni Joridhani gukhugela Bheti-Jesimoti kala Abheli-Sitimi, mapanini ga Mowabhi.

Vaefeso 2:11

Enu mu si gu Vajudha nya mavelego; enu mu ranwago makhuna khu vale va dzi ranago va nya wugwera, va dzi zundza khu gifungo va vegidwego milini gwawe khu mandza nya vathu, dundrugani edzi mu nga bani mu vbanya khidzo gale.

Dhewuteronome 16:3

Nyama yakone u nga hodzi ni gibaba nya guthedwe mela; u na vbedza livbandre na mavili matshigu na wu gu hodza sibaba nyambana mela, gibaba nyamba thedwa mela, gibaba nya wuvi kholu, u dugide khu guvbiredza khu tigoni ga Egipito, gasi u alakanye matshigu yatshavbo nya guvbanye gwago, litshigu u dugidego khilo khu tigoni ga Egipito.

Dhewuteronome 23:6

Khu kotani nya isoso, u nga va ningi gurula ambari wuwadi ga matshigu yatshavbo nya guvbanye gwago kala gupindruga.

Dhewuteronome 8:18

Phela khu gu alakanya Pfhumu Nungungulu wago, kholu khuye a gu ningago tshivba gasi u dzi girela dzithomba; gasi gu tiyisa gidzumeledzwano gyaye, egi a tumbisidego khu gusambanya ga vababe vago, kha nga u si wonago muhuno.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Dhewuteronome 9:7

Alakanyani, gambe mu nga divalini gukhenu mu goroside Pfhumu Nungungulu wanu, giwulani; gukhugela litshigu mu dugidego khu tigoni ga Egipito kala mu vboha ga wulanga wowu, mu di wugela Pfhumu Nungungulu;

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 3:1

Josuwa a di wuga ni mambagugya gumogo ni vatshavbo va na Israyeli, va khuga khu tigoni ga Sitimi, va hongola kala tsongoni wa Joridhani, vaya zumba vbale na va si gu tshatugi.

Josuwa 4:19

Vathu va tshatugide tsongoni wa Joridhani khu litshigu nya likhumi nya ngima nya guhegule va ya ghova Giligali, vbinganoni wa Khugadambo ga Jeriko.

2 Pedro 2:15

Va digide ndzila nya gululame va penga; va landra ndzila ya Bhalahama, gyanana gya Bheyori, a nga vbweta gughanya khu gu gira guvivba.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.

Valamuli 11:25

Ina uwe u ni tshivba nya gu vbindre Bhalaki, mwamana wa Zipori, mufumeli wa Mowabhi, gani? Ni litshigu limwedo a di nga dwana ni va na Israyeli, gani?

Valamuli 5:11

Iyo gu pwalago ligwaha nya sighalala, malangani gu regwago mati, pwadzani mithumo nya gululame ya Pfhumu Nungungulu, mithumo nya gululame a giredego ga avo va vbanyago mitalalani ya tigoni ga Israyeli. Khavbo avbo, vathu va Pfhumu Nungungulu va di vboha kala dzinyangwani nya lidhoropa.

1 Samuweli 12:7

Gasi olu, khugani mu eme gasi nyi kodza gulamulana nanu mbeli ga Pfhumu Nungungulu, khu gu mi alakanyisa khu mithumo yatshavbo nya gululame eyi a mi vbulugisidego khiyo avbo gwanu ni ga vababe vanu.