Mikeya 6:4 - Bhibhiliya Nya Guage

⁴ Nyi gu duside khu tigoni ga Egipito, nyi gu tshudzisa nyumbani nya wugumbi; nyi mi rumede Mosi, Aroni ni Miriyamu.

Mikeya 6:4 Iomraidhean Croise

2 Samuweli 7:23

Khu levbini litigo la omu mafuni li fananago ni vathu vago va na Israyeli, avo uwe Nungungulu u va tshudzisidego gasi gu khala vathu vago! U dzi girela lina nya likhongolo ni gu girela vathu vago silo si samadzisago ngudzu tigoni gwago, khu gu tutumisa vathu ni vanungungulu vawe mbeli ga vathu vago, u va tshudzisidego tigoni ga Egipito.

Dzindzimo 77:20

U di gimbidzisa vathu vago kha nga muhavisi, khu mandza ya Mosi ni Aroni.

Ekisodha 12:51

Khilo kamwe litshigu lolo Pfhumu Nungungulu a dusidego sanana sa Israyeli tigoni ga Egipito, gukhedza khu mabutho yawe.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 3:10

Olu delu, nyi na gu rumela ga Faro, gasi u ya dusa vathu vangu, va na Israyeli khu tigoni ga Egipito.”

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Ekisodha 4:16

Wulangani gwago a na ganela uye ga vathu a na khala uye likana lago, uwe gwaye u na khala kha nga Nungungulu.

Ekisodha 6:27

Khavo ava Mosi ni Aroni, va nga ya ganela ni Faro, mufumeli wa Egipito, gasi a duse khu tigoni ga Egipito, sanana sa Israyeli.

Jeremiya 32:21

Uwe u nga dusago vathu vago khu tigoni ga Egipito, khu sisamadziso ni siliwugiso, khu gyandza nya tshivba ni libogo lago nya gukhugege ngudzu li thavisago ni guthisa.

Amosi 2:10

Eni kamwe nyi mi duside khu tigoni ga Egipito, nyi mi gimbidzisa giwulani gipimo nya magumana myaga, gasi guya mi ningani litigo la Vaamori.

Mitengo 12:1

Miriyamu ni Aroni, va di lemba Mosi, khu kotani nya nyamayi nya Mukhusi a nga bani a mu dzegide; kholu uye a di dzegide nyamayi nya Mukhusi.

Mitengo 33:1

Aya khu magimbilelo va gimbidego khayo va na Israyeli gukhugela guduga gwawe khu Egipito, gukhedza khu mabutho yawe na va gu thangedwa khu Mosi ni Aroni.

Mithumo 7:36

Khuye Mosi a nga va tshula a gu gira siliwugiso ni siwoniso tigoni ga Egipito ni linene nya gufuvile, ni giwulani, gipimo nya magumana myaga.

Dhewuteronome 15:15

Alakanya gukhuwe u khade khumbi tigoni ga Egipito, umo Pfhumu Nungungulu wago, a gu dzegisidego; khu kharato, muhuno nyi ngu gu ninga nayo yoyu.

Dhewuteronome 24:18

Dundruga gukhuwe uwe nuwe u diri khumbi tigoni ga Egipito, umo Pfhumu Nungungulu a gu dusidego khumo; khidzo kharato nyi gu rumago gu gira isoso.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 5:6

Eni kheni Pfhumu Nungungulu wago, a gu dusidego khu tigoni ga Egipito, nyumbani nya wugumbi.

Dhewuteronome 7:8

Aholu Pfhumu Nungungulu a di gira esi khu gu mi gola, ni gu vbweta gu tadzisa gisambanyo a giridego ni vababe vanu, Pfhumu Nungungulu a mi dusideni khu libogo nya tshivba, a gu mi tshudzisa nyumbani nya wugumbi, mandzani ga Faro, mufumeli wa Egipito.

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

1 Samuweli 12:6

Khavbo avbo, Samuweli a di embela vathu, khuye: “Pfhumu Nungungulu, khuye a hathidego Mosi ni Aroni a dusa vababe vanu khu tigoni ga Egipito.”