Mikeya 6:2 - Bhibhiliya Nya Guage

² Enu sigomo yingisani, mu ngu rwegwa nandru khu Pfhumu Nungungulu, ni enu siseketelo nya litigo mu tiyidego ngudzu; kholu Pfhumu Nungungulu a ngu dwanisa vathu vaye, gambe a na lamula va na Israyeli.

Mikeya 6:2 Iomraidhean Croise

2 Samuweli 22:16

Khavbo avbo, gu di wonega litamo nya mati, gu fuguga matshina nya litigo khu kotani nya tsayiso wa Pfhumu Nungungulu, ni phuvbo yi nga furugedza khu dzithonvuni gwaye.

2 Samuweli 22:8

Khavbo avbo, litigo li di thuruga li ndrendremela, matshina nya sigomo ma di kutsungwa, khu kotani nya likhulo laye.

Dzindzimo 104:5

U tiyiside litigo khu madingo nya gutiye, gima kha li na nga khuyuga gambe.

Mavingu 8:29

Gikhati a nga gira mivbingano nya linene gasi mati ma si ndragi sigomo; gikhati a nga tsitsa giseketelo nya mafu,

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 3:13

Pfhumu Nungungulu a na khuga a ema; a duga, a lamula mayigo.

Isaya 43:26

Nyi embele mahungu yago, gasi hi lamulana; nyi bikele lisine lago, gasi u manega nu lulamide.

Isaya 5:3

Gasi olu enu vavbanyi va Jerusalema, ni enu vathu va na Judha, nyi ngu mi lombani mu nyi lamule eni gumogo ni lithembwe langu nya vhinya.

Jeremiya 2:9

Khu guralo, nyi nga na gu mi thethisa gumogo ni situgulwana sanu; a ngu ganela Pfhumu Nungungulu.

Jeremiya 25:31

Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”

Jeremiya 31:37

Pfhumu Nungungulu a ngu ganela kharati, khuye: “Mwa gu kodzani gupima wugulu wa vbatshani ndzadzini ni gu wona mahegiso nya litigo omu vbavbatshi, khavbo neni nyi na gu hambanago ni situgulwana sa Israyeli, khu satshavbo va giridego,” khu Pfhumu Nungungulu a ganelago isoso.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 12:3

Jakobe a di mola ndriyaye khu gitshinandro na va ngari rumbuni ga mayi wawe; gikhati a nga dandrago a di dwana ni Nungungulu;

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Mikeya 6:1

Olu upwani esi Pfhumu Nungungulu a ganelago, wari, khuye: “Khuga u eme u rwega nandru sigomo, sigomwana si na yingise lito lago.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.