Mikeya 6:12 - Bhibhiliya Nya Guage

¹² Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Mikeya 6:12 Iomraidhean Croise

Dzindzimo 120:2

Pfhumu Nungungulu, nyi vbulugise ga vathu nya malipha ni wukanganyisi.

Dzindzimo 35:20

Kholu avo gima kha va ganeli khu gurula; aholu va gu wugela va nya gurula mafuni, va luga mano nya gu va singedze guvivba.

Dzindzimo 78:36

Aholu magana yawe ma di si tumbegi, satshavbo va nga bani va ganela a diri sa malipha.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Jeremiya 9:8

Malimi yawe sighalala si songago, khu kanani gwawe gu duga basi magana nya guvivbe; muthu ni muthu a gu dzi gira muthu nya gurule ga muthu kwawe, aholu khu monyoni gwaye a gu mu riyela milaphwi.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Amosi 6:4

Enu mu lalago malawuni nya gugirwe khu magwaha nya ndzofu, mu dzi ghwimba umo nya masofa yaye, mu hodzani sinvutana nya tshambi ni simombyana nya gunone sa mavbandroni,

Sofoniya 1:9

Litshigu lolo, nyi na tsayisa gambe, vatshavbo vale va gandrago nvunvuri, wa vanungungulu nya malipha, va tadzago nyumba ya mune wawe, khu silo nya wuvafa va phangago khu dzihanyi ni wudambane.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Mithumo 24:9

Vajudha navo va di sekela magana yaye khavo khidzo kamwe a ganelago.

Varoma 3:13

Ngolo wawe, lithowo li tudwego, Lidimi lawe va gu li thumisa gupemba vathu. Magana yawe ma gu gamba wuhungu nya dzinyoga.