Mikeya 5:10 - Bhibhiliya Nya Guage

¹⁰ Khu litshigu lolo, a ngu ganela Pfhumu Nungungulu, khuye: Nyi na mbembisa dzikavalu dzago, nyi pfhungumula dzikareta dzago nya nyimbi;

Mikeya 5:10 Iomraidhean Croise

Isaya 2:7

Litigo lawe li tade khu parata ni ndralama, dzithomba dzawe dzi mwalo mahegiso; li tade gambe khu dzikavalu, ni dzikareta dzawe, dzingi guvbindra tengo.

Jeremiya 3:23

Khu lisine, wukhozeli nya malipha wa musigomoni wu ngu kanganyisa; esi va si girago giwulani ligwaha basi; guvbanyiswa ga Israyeli gwa guta khu ga Pfhumu Nungungulu wanu.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Dhewuteronome 17:16

Aholu, mufumeli yoyo kha gu vbwetegi a dzi garadza khu gu mana dzikavalu nya dzingi, gambe kha gu vbwetegi gu a gurumedza vathu gu bwelela gambe tigoni ga Egipito, gasi guya mana dzikavalu nya dzingi; kholu Pfhumu Nungungulu a mi embede, khuye: Gima kha mu na bwelela gambe khu ndzila yeyi.