Mikeya 4:4 - Bhibhiliya Nya Guage

⁴ Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Mikeya 4:4 Iomraidhean Croise

1 Dzipfhumu 4:25

Judha ni Israyeli, gu di vbanya na gu tiyide, gukhugela Dhani kala Bherisebha, vathu va di vbanya gurulani, nyamba thava gilo, muthu ni muthu a khala mutsani nya kandzu waye ni nguhu waye, matshigu yatshavbo nya guvbanye gwa Solomoni.

1 Dzipfhumu 5:5

Olu nyi ngu pimisa guvbaha nyumba yi lumbago lina la Pfhumu Nungungulu wangu, kha nga idzo Pfhumu Nungungulu a ganedego khidzo ga babe wangu Dhavhidhe, khuye: Mwanago nyi na gu mu vegago wulangani gwago, vbagikhalotunu gwago nya wufumu, khuye a na gu nyi vbahelago nyumba yi lumbago lina langu.

Joba 11:19

U na lala ligovbe nyamba thuswa khu muthu; vathu nya vangi va na gu suvela makategwa.

Dzindzimo 72:3

Sigomo si na rese gurula ga vathu, sigomwana niso si na gu resa khu gululama.

Mavingu 3:25

Khu na thurugiswa khu mhango nya githugedza u pilega hwambo, ambari khu mhango yi na dugelelago ga va nya guvivbedwa khu monyo.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 17:2

Madhoropani ya Aroweri kha gu na khala gambe muthu; ma na khala malanga nya mitshambi, yi zumba umo, nyamba thurugisedwa khu vathu.

Isaya 22:25

“Khu litshigu lolo, a ngu ganela Pfhumu Nungungulu nya Tshivba Yatshavbo, simbo yoyu wu tsitsidwego wulangani nya gutiye, wu na sigudwa wu thega, ni satshavbo esi si nga bani siri vbatshani gwaye, si na mbembiswa.” Kholu Pfhumu Nungungulu ganede isoso.

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 32:17

Thumo nya wululami wu na bani wuri gurula, ni handro nya wululami, wu na bani na wuri gukhadzisega ni gutumbega kala gupindruga.

Isaya 36:16

Mu nga mu yingisi Ezekhiya; kholu mufumeli wa Asiriya a ngu ganela kharati, khuye: Dzi rudziseni mu ta eno gwangu, muthu ni muthu a na hodza mihandro yaye nya vhinya ni mihandro nya nguyu waye. Moyo ni moyo a na sela mati ya namboni gwaye;

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Jeremiya 23:4

Nyi na dzi emisela vahavisi va na gu dzi havisago, avbo dzi na gumba thava ambari gu ndrendremela, gambe yi mwalo ni mweyo yi na dzimelago, a ngu ganela Pfhumu Nungungulu.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 34:28

Olu kha dzi na phangwa gambe khu va nya mayigo, ambari gu hodzwa khu sirengo sa khabini. Dzi na vbanya khu gurula, mwalo a na dzi thusedzelago.

Ezekiyeli 38:11

U na ganela, khuwe: Nyi naya dhumela litigo li gu ni mitalala nyamba bhiywa, nyi dwanisa vathu nya gurule va si dileligo gilo, va vbanyago madhoropani nyambana mabhiyo, nyambana malimba ambari sikwinyaro.

Ezekiyeli 39:26

Va nata divaledwa khu dzitshoni ni gumba tumbega gwatshavbo va nyi kanyisidego khugo, gikhati va na vbanyago gurulani tigoni gwawe, nyamba manega muthu nya gu va thusedzele.

Levhi 26:6

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Mikeya 5:3

Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Zakariya 3:10

Ga litshigu lolo, a ngu ganela Pfhumu Nungungulu nya Tshivba Yatshavbo, moyo ni moyo nya enu a na rana muakelane waye gasi guta khala mutsani nya uvha waye ni mutsani nya nguhu waye.”