Mikeya 4:3 - Bhibhiliya Nya Guage

³ A na lamula vbakari nya mafumbu nya mangi, a na tsayisa mayigo nya tshivba a ma yisa hwindzo, va na dzega matshari va gira mavbadza, sighalala va si gira sivbwero; litigo kha li na khusa litshari li wugela litigo likwawe, vathu kha va na hevbula gambe gu dwana nyimbi.

Mikeya 4:3 Iomraidhean Croise

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Dzindzimo 72:3

Sigomo si na rese gurula ga vathu, sigomwana niso si na gu resa khu gululama.

Dzindzimo 72:7

Gu na manege gululama matshiguni nya gufume gwaye, gurula gu na manege kala ngima wu si wonegi.

Dzindzimo 82:8

Uwe Nungungulu, khuga u lamula litigo, kholu mayigo yatshavbo ma gu lumba Uwe.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Isaya 2:4

Uye a na khala mulamuli vbakari nya mayigo, ni gu tsayisa mafumbo nya mangi. Matshari yawe ma na vbindrugedza ma khala mavbadza, ni siholoma sawe si khala sivbwero; li mwalo litigo li na gu wugelago litigo li kwawe, ambari vathu kha va na hevbula gu dwana nyimbi.

Isaya 25:3

Khidzo kharato, vathu nya dzitshivba va na gu dhumisa; lidhoropa nya tsindza wa va nya mayigo nya dzihanyi li na gu ninga githawo.

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 60:12

Kholu litigo ni mufumo va na gumba gu thumela, va nafa; mayigo yoyo ma na pfhungumudwa hayo bhi.

Isaya 65:25

Lisolwa ni nvutana si na hodza dangamwedo, nghala yi na hodza mwasi kha nga mombe; nyoga yi na hodza kudzudzwane. Gigomoni momu gwangu nya guage, kha gu na girwa gambe guvivba ambari gumbembiswa. Kheni Pfhumu Nungungulu nyi ganelago!

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Hoseya 2:18

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Hoseya 2:20

Nyi na gu dzega u khala mwangadzi wangu khu gutumbega, gambe u na muti Pfhumu Nungungulu

Joyele 3:2

nyi na tombanisa mayigo yatshavbo nyi ma reledza kovani ga Josafani; iyoyo nyi na ya ma lamula khu kotani va dzegidego vathu vangu ni thomba yangu va na Israyeli, uye va mu phalalegisidego vbakari nya mayigo, va kabanisa litigo langu.

Mikeya 5:15

Khu likhulo ni giviti gyangu, nyi na phodza ga mayigo ma ngamba nyi yingisa.”

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Zakariya 8:20

Pfhumu Nungungulu nya Tshivba Yatshavbo, a ngu ganela kharati, khuye: “Ma nata nyaluphye mahundzu ma vbanyago madhoropani nya gutale,

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”