Mikeya 4:13 - Bhibhiliya Nya Guage

¹³ Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Mikeya 4:13 Iomraidhean Croise

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Dzindzimo 68:29

Gukhugela Nyumbani gwago ya Jerusalema, iyo va tago vafumeli vata gu luva khu miningelo.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Isaya 18:7

Khu gikhati gyogyo, gu na reswa gihiwa ga Pfhumu, Nungungulu nya Tshivba Yatshavbo, vathu nya vadandrangulu, na vari ni wumburi, avo va thawago khu vathu gukhugela gutumbulugani gwawe, litigo nya dzihanyi nya guganele sihonohono, Eli li tsemakanywago khu vbakari ni vbakari khu mitsongo. Va na resa miningelo yawe gigomoni ga Siyoni, avbo gu khozedwago lina la Pfhumu Nungungulu nya Tshivba Yatshavbo.

Isaya 21:10

Enu vathu vangu, mu vbudwego kha nga tirigu vbagithalatunu! Eni nyi ngu mi embela esi nyi embedwego khu Pfhumu Nungungulu nya Tshivba Yatshavbo, Nungungulu wa Israyeli.

Isaya 23:18

Aholu bhindzu nya wurengisi ni wubhayi waye, yi na phasedwa ga Pfhumu Nungungulu; gima kha yi na hengeledzedwa musisangalani ambari gu vegwa kha nga thomba. Yi na thumela gu hodzisa ni gu ambagisa nya dzadi vale va vbanyago mbeli ga Pfhumu Nungungulu.

Isaya 5:28

Siholoma sawe si na bani na si lodzidwe gwadi, malaho yawe yatshavbo, na ma khwandridwe; samba nya dzikavalu dzawe, sa gu fanana ni siwindri, ni marodha nya dzikareta dzawe, gukhwatshi gipupwane.

Jeremiya 51:20

Uwe Bhabhiloni, u diri gikhokhotho ni litshari nya nyimbi mandzani gwangu, khu uwe, nyi vbadzulede mayigo ni gu pfhungumula vafumeli;

Jeremiya 51:33

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyamahegyane wa Bhabhiloni womo kha nga githala avbo nya gikhati nya guvbwere, gu tshade vbadugwana, gi na vboha gikhati nya guvbule.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Hoseya 10:11

Kholu Efrayimi, a diri gimombyana nya ngadzi nya gurule gi hevbudzidwego, gi nga bani gi tsakela guvbula tirigu; khu guralo, nyi mu thede kanga thamoni gwaye nya wumburi. Efrayimi a na ndrindra kareta, Judha a na lima, va na Jakobe va na hagula.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Habhakuka 3:12

Avbo u nga goroga, u di gimbila tigoni gwatshavbo, khu giviti nya likhulo lago, u gandredzela mayigo.

Zakariya 12:3

Litshigu lolo, nyi na gira Jerusalema gu khala giwindri nya gulemele ga mayigo yatshavbo; oyu a na yedzago gu gi khusa, a na vbadzuledwa khigyo; mayigo yatshavbo ya mafuni ma na patana ma wugela Jerusalema.

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Zakariya 6:5

Ngilozi yi di nyi hakha, khiyo: “Aya khu maphuvbo ya mana ya Ndzadzini, ma dugago khavbo ma nga bani ma emide mbeli ga Pfhumu ya mafuni gwatshavbo.

1 Vakorinto 16:2

Khu litshigu nya guhegule nya sumana, muthu ni muthu a na kase gipandre nya silo a thumidego ndrani nya sumana a si vega khu phuvbo ndrangani gwaye, gasi mu siti gira mihengo khu gu bani nyi vbohide.

Dhewuteronome 33:25

Sikwinyaro sago si na manege nari sa simbi ni sugu, gurula gwago gu na simame kha nga matshigu nya guvbanye wago.

Josuwa 6:19

Khu guralo, parata, ndralama ni sombo satshavbo nya sugu ni simbi si na agisedwa Pfhumu Nungungulu, si na khala thomba yaye.”