Mikeya 3:8 - Bhibhiliya Nya Guage

⁸ Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Mikeya 3:8 Iomraidhean Croise

Joba 32:18

Kholu mangi magana nyi gu nawo, liphuvbo li ngu nyi gurumedza gu ganela,

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Jeremiya 1:18

Wona nya gukhuwe gukhugela muhuno nyi na gu gira lidhoropa nya gutiye, kha nga lidingo nya dzisimbi, ni libhiyo nya sugu, gasi u vhikela litigo latshavbo, vafumeli va Judha, vathangeli vaye, vaphasi nya mhamba ni vathu vaye vatshavbo.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 16:2

Mwamana wa muthu, nonedza Jerusalema mithumo yaye nya gunyenyeze;

Ezekiyeli 20:4

Uwe mwamana wa muthu u na va lamula? U na va lamula, gani? Va dundrugise mithumo nya gunyenyeze yi giridwego khu vababe vawe,

Ezekiyeli 22:2

“Khu guralo, uwe mwamana wa muthu, ina, u dzi emisede gulamula lidhoropa leli li vbaladzago novba, gani? Khu guralo, va gire va tugule mithumo yawe yatshavbo nya guvivbe

Ezekiyeli 23:36

Pfhumu Nungungulu a di engedza gambe a nyi embela, khuye: Mwamana wa muthu, Uwe u na lamula Owolani ni Owolibhani, gani? Khu guralo, va yeyedze mithumo yawe nya gunyenyeze.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Ezekiyeli 43:10

Khu guralo, uwe mwamana wa muthu, nonedza va na Israyeli Nyumba yeyi ya Nungungulu, gasi va kodze gu khala dzitshoni khu sighoho sawe; yi na khale giwonelo avbo gwawe.

Matewu 7:29

Kholu a di gu va hevbudza kha nga uye a gu ni fanelo nya guhevbudze, nasiri kha nga vahevbudzi nya Nayo.

Marko 3:17

Jakobe ni ndriyaye Johane, sanana sa Zebhedhewu, a nga va thangisago lina la Bhowanerige, gu tshamusago pwani: “Sanana nya Libara.”

1 Vakorinto 2:4

Tshumayelo ni mahungu nyi mi hevbudzidego, kha nya si tiyisa khu magana nya wugengeli ni guti nya wuthu, aholu nyi si tiyiside khu siwonegiso nya tshivba nya Liphuvbo nya Guage.