Mikeya 3:3 - Bhibhiliya Nya Guage

³ Mu ngu hodza nyama nya vathu vangu, mu va dusa lidowo lawe, mu va fanyeledzela marambo yawe, mu ma pilela kha nga khwatshi nyama mu vbwetago gu thela khalini mwendro bhotani.

Mikeya 3:3 Iomraidhean Croise

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Dzindzimo 27:2

Gikhati sighevenga si nyi randrelago, gasi gu tsagudzela nyama yangu; Khavo valala vangu va nyi nyenyago, va tshunganelago va thega.

Mavingu 30:14

Vomo vathu vale magwaha yawe a gu matshari ni dzindzarara dzawe nya mwagwaha, a gu migala, gasi gu vbedza khayo sisiwana mafuni ni vale va hamugago gilo vbakari nya vathu.

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Ezekiyeli 11:3

Avo vari, khavo: Gu si gu vbohi gikhati nya gu hi dzi garadze khu guvbaha dzinyumba; lidhoropa leli khali, ethu hi nyama yi guromo ndrani gwaye.

Ezekiyeli 24:4

Thela sitsuwu nya nyama, sitsuwu nya sadi nya mawundru ni magata. Yi tadze khu marambo nya yadi;

Amosi 8:4

Yingisani enu mu midzago vahamugi, mu mbembisa sisiwana sa mafuni,

Mikeya 2:8

Aholu, khu gikhati nya gidugwane, enu mu vbindrugedzide mu wugela vathu vangu gukhwatshi valala vanu. Mu wandrela gifenengelo vale va dzi vbindrelago khu gurula va si khathaligo khu gu dwana nyimbi.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.