Mikeya 3:11 - Bhibhiliya Nya Guage

¹¹ Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 3:11 Iomraidhean Croise

Mavingu 17:23

Muthu nya guvivbedwe khu monyo a gu dzumela gu rengeledwa gusihalani, gasi a si lamuli khu lisine.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Isaya 5:23

Libango ga vale va dzumelago gu rengeledwa, gasi gutshula muthu a gu ni nandru, va bomba gu emela muthu nya gululame!

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 26:7

Vaphasi nya mhamba, vaprofeti ni vathu vatshavbo va dipwa magana yaya a nga bani na gu ganela Jeremiya Nyumbani ga Pfhumu Nungungulu.

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Ezekiyeli 34:2

“Mwamana wa muthu, profeta ga vahavisi va Israyeli; va profete u va embela, khuwe: Mune Pfhumu Nungungulu, a ngu ganela kharati, khuye: Libango ga vahavisi va Israyeli va dzi havisago avo vabune! Gasi thumo wa vahavisi khandri wa gu havisa dzinvuta, gani?

Hoseya 4:18

Va gu vbedza gu sela wadwa, va gu dzi ningedzela mu wubhayini; vathangeli vawe va di gola ngudzu dzindzila dzi thelago dzitshoni.

Hoseya 4:8

Avo va gu hodza khu sighoho sa vathu vangu, va gu gola ngudzu wuvivbi wawe.

Amosi 5:14

Vbwetani ugo gu gu gwadi nasiri ugo nya guvivbe, gasi mu kodze guvbanya; khu kharato, Pfhumu Nungungulu nya Tshivba Yatshavbo, a na bani nari nanu, kha nga guganela gwanu.

Amosi 9:10

Sighohi satshavbo si guromo vbakari ga vathu vangu, si na songwa khu matshari, vatshavbo va ganelago, khavo: Gima kha hi na thegedwa khu libango ambari guvbohedwa khilo.

Mikeya 3:5

Pfhumu Nungungulu a ngu ganela kharati, mayelano khu vaprofeti va ndreyisago vathu vangu va va hodzago khu magwaha yawe, va huwelela, khavo: “Gurula!” Aholu va wugela khu dzinyimbi vale va gumba va thela gilo kanani.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Malakiya 2:9

Khu guralo, eni neni nyi mi giride vathu nya gunyenyeze ni givalo mbeli ga vathu vatshavbo, kholu mu ngamba gimbila khu dzindzila dzangu, aholu mu gira gihathela gutshamuselani nya nayo wangu.

Mitengo 16:15

Mosi a di swireka ngudzu a embela Pfhumu Nungungulu, khuye: “U nga dzumeli gu hakha miningelo yawe! Eni gima kha nya va dzegela giburwana gyawe ambari gu gira guvivba ga moyo wawe.”

Mitengo 22:7

Vasingalagadzi va Mowabhi ni vasingalagadzi va Madhiyani, va di hongola na va pharide tengo nya gulivbe wuprofeti waye. Avbo va nga vbohago vbafuvbi ni Bhalahama, va di ya mu embeledzela magana yatshavbo ya Bhalaki.

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.