Mikeya 2:4 - Bhibhiliya Nya Guage

⁴ Khu litshigu lolo va na embelela ndzimo nya gu mu hege khiyo, va emba ndzimo yeyi nya gililo, khavo: Hi mbembisidwe muphelo! A dzega thomba ya tigoni gwathu a ninga vambe vathu! Uye a di hi wandrela! A dzega marembwe yathu a ningela avo va hi tshanisago.”

Mikeya 2:4 Iomraidhean Croise

2 Samuweli 1:17

Khavbo avbo, Dhavhidhe a di womba kosi nya gililo a lila Sawule ni mwanaye Jonatane.

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

Joba 27:1

Joba a di simama a ganela, khuye:

Isaya 14:4

mu na emba ndzimo yeyi nya gutsorodzele mufumeli wa Bhabhiloni, khenu: Mutshanisi thegede hayi! Ni dzihanyi dzaye dzi vbede kharini!

Isaya 24:3

Mafu ma na khala giwula nya guvbelele, kholu Pfhumu Nungungulu ganede magana yaya.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 4:13

Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Jeremiya 6:12

Dzinyumba dzawe dzi na ningedwa vambe vathu, va dzegedwa gambe ni marembwe ni vagadzi vawe, kholu nyi na thawuludza libogo langu nyi veta vavbanyi va tigoni momu, a ngu ganela Pfhumu Nungungulu,

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Ezekiyeli 16:44

Vatshavbo avo va golago gu sawutela mavingu, va na sawutela mavingu yaya khu uwe, khavo: “Gyanana gegi gya gu godza mayi waye.”

Ezekiyeli 2:10

Uye a di li thawuludza mbeli gwangu. Ilo li di lovidwe ndrani ni vbavbandze; gu di lovidwe magana nya gililo, wuvi ni gudilela.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:8

Lila nga nyamahegyane nya likendzi a ambadego gilendra a lilela mwama waye nya lidzaha.

Amosi 5:1

Yingisani magana yaya nya gililo, enu nyumba ya Israyeli.

Amosi 5:17

Marembweni gwatshavbo gu na manega gililo; kholu nyi na vbindra khu vbakari gwago, a ngu ganela Pfhumu Nungungulu.

Mikeya 1:15

Nyi nga na gu mu resela uye a na guta mu wandrela mufumo wanu enu vavbanyi va Maresa; wudhumo wa Israyeli wu na vboha kala Adhulamo.

Mikeya 1:8

Khu kotani nya isoso, nyi na lila nyi bwelo khavbo nyipwa wuvi, nyi gimbila wumbwiri ni gumba ambala silato, nyi na lila nga lisolwa, nyi womba huwa kha nga dzimbowa.

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Habhakuka 2:6

Vatshavbo vava va modwego, mindru ga litshigu kha va na nga diga gu mu yuyutela ni gu mu hega, va ganela, khavo: Libango ga wule a wungedzelago dzithomba nya gubidwe ni gu khala gitetema khu gu livbisa vakwawe! Kala lini na wu gu simama gu gira kharati?

Sofoniya 1:2

“Nyi na fuvisa silo satshavbo si guromo mafuni, a ngu ganela Pfhumu Nungungulu.”

Mitengo 23:18

Khavbo avbo, Bhalahama a di ganela wuprofeti waye, khuye: “Khuga u ema, Bhalaki, u nyi yingisa; demba ndzeve yago, uwe mwamana wa Kipori:

Mitengo 23:7

Khavbo avbo, a di ganela magana yaye, a mu embela, khuye: “Khu tigoni ga Arami, nyi di raniswa khu Bhalaki, mufumeli wa Mowabhi, a nyi rumela mwango sigomoni sa Khugadambo, guta nyi embela, khuye: Delu u ta vala Jakobe! Delu uta yuyutela Israyeli!

Mitengo 24:15

Bhalahama a di gira wuprofeti waye, a ganela, khuye: Magana ya Bhalahama, mwamana wa Bheyori, magana ya muthu nya gowone misihalo;

Mitengo 24:3

A di ganela wuprofeti waye, khuye: Magana ga Bhalahama, mwamana wa Bheyori, magana ya muthu nya guwone misihalo;

Marko 12:12

Na va dzitide nya gukhavo gipimaniso gyogyo gya gu thula avo, va di vbweta ndzila nya gu mu mole, aholu, khu gu thava gidzemo, va di mu diga va hongola.

Dhewuteronome 28:29

mihani u na phiphithela khwatshi u gikhumu gi phiphithelago mugidemani, mudzindzilani gwago gima khu na dugelela, aholu u na mana basi gutshaniseka ni gubedwa matshigu yatshavbo nya guvbanye gwago; mwalo a na ta gu vbanyisago.