Mikeya 1:8 - Bhibhiliya Nya Guage

⁸ Khu kotani nya isoso, nyi na lila nyi bwelo khavbo nyipwa wuvi, nyi gimbila wumbwiri ni gumba ambala silato, nyi na lila nga lisolwa, nyi womba huwa kha nga dzimbowa.

Mikeya 1:8 Iomraidhean Croise

2 Dzipfhumu 18:13

Khu mwaga nya likhumi na wu na nya gufume ga Ezekhiya, Senakerebhi, mufumeli wa Asiriya, a di gwela guta sasela madhoropa yatshavbo nya makhokhola ya Judha, a ma wandra.

Esiteri 4:1

Gikhati Moridhekayi a pwidego iso si nga dugelelago, a di pferula dzingandzu dzaye, a ambala dzingandzu nya gililo, a dzi todza nguma, a duga a ya bela vbakari nya lidhoropa a womba huwa khu wuvi nya wukhongolo,

Joba 30:29

Nyi khade ndruye nya migehe, ni pari nya dzimbowa.

Dzindzimo 102:6

Nya gu fanana ni lisekwa la giwulani, nyi fanana ni lipfhuguli la marumbini.

Isaya 13:21

Aholu, sirengo sa giwulani si na lala umo, dzinyumbani gwawe gu na tala khu mapfhuguli; gu na lala umo masekwa, ni vamangulwe va na ndragandraga umo.

Isaya 13:22

Dzinyumbani gwawe nya wufumu, gu na emba migehe, makhokholani gwawe, gu na emba vanyadugwi; gikhati gyawe gyomo vbafuvbi ni gu vboha, ni matshigu yawe ma rode.”

Isaya 16:9

Khu guralo nyi na lila, gumogo ni Jazeri, khu lithembwe la Sibima; uwe Hesibhoni, ni uwe Eleyali, nyi na mi naganisa khu marongo yangu; kholu thembweni gwanu nya mihandro, kha gu pwali gambe dzindzimo nya litsako nya guvbwere dzimbewu.

Isaya 21:3

Khu guralo, nyi di pwa wuvi ngudzu, nyipwa guvbisa kha nga nyamayi a lumwago; nyi ngu tshaniseka avbo nyi padwago ni gu yingisa, nyi thusedzedwa, avbo nyi si kodzigo ni gu wona gilo.

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Isaya 32:11

Ndrendremelani enu vanyamayi mu dzipwago na mu khadzisegide; tshulani guambala gwanu, mu khala wumbwiri, mu ambala dzisaku siwununi gwanu.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:19

Kholu gu ngu pwala lito nya gililo li dugago khu Siyoni, khilo: “Yowe, yowe! Libango lathu hi mbembisidwe! Hi tade khu dzitshoni, kholu hi ngu duswa tigoni gwathu, va hafumude dzinyumba dzathu!”

Ezekiyeli 32:18

“Mwamana wa muthu, emba ndzimo u lila khu gidzemo gya Egipito u va reledza phalani nya vafi avo gumogo ni vathu nya dzitshivba nya mambe mafumbo, gasi va relela guetani nya mafu, gumogo ni vale va relelago phalani nya vafi.

Mikeya 2:4

Khu litshigu lolo va na embelela ndzimo nya gu mu hege khiyo, va emba ndzimo yeyi nya gililo, khavo: Hi mbembisidwe muphelo! A dzega thomba ya tigoni gwathu a ninga vambe vathu! Uye a di hi wandrela! A dzega marembwe yathu a ningela avo va hi tshanisago.”

1 Samuweli 19:24

Uye nuye a di tshula ngandzu yaye, a guprofeta mbeli ga Samuweli, a thega vbavbatshi, nyamba ambala gilo litshigu latshavbo ni wutshigu watshavbo; esi si ganedwago pwani: “Ina Sawule nuye moyo nya vaprofeti, gani?”