Mikeya 1:4 - Bhibhiliya Nya Guage

⁴ Sigomo si na nyiviliga vbavbatshi nya migondro yaye, ni mikova yi na tulega nga mafura vbavbatshi nya nilo, kha nga mati ma gogago releloni ma khala nondrwa.

Mikeya 1:4 Iomraidhean Croise

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 68:2

Uwe wa gu va phalalegisa kha nga wutshi; wu mwalalegago ndrengelengeni. Va nya guvivba va gu mbemba mbeli gwago va nyiviliga kha nga mafura vbanilotunu.

Dzindzimo 97:5

Sigomo sa gu nyega mbeli Gwaye kha nga mafura, mbeli ga Pfhumu Nungungulu a gu mune nya litigo latshavbo.

Amosi 9:5

Kholu Mune, Pfhumu Nungungulu nya Tshivba Yatshavbo, khuye a khuhago mafu, ayo ma nyiviliga, vatshavbo va vbanyago umo va na lila; ma gugumuga mati yatshavbo gu fanana ni tsongo wa Nilo, bwelo havbo ma bosa gu fanana ni tsongo wa Egipito.

Nahume 1:5

Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

Habhakuka 3:6

Uye a gu ema, mafu ma gu tsekatseka; a gu khedza, a gu ndrendremidzisa mayigo. Sigomo sa gale si di khungumudwa; sigomwana sa gale si di khungumugela. Dzindzila dzaye khya gupindruga.

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Valamuli 5:4

Uwe Pfhumu Nungungulu, avbo u na khugago khu Seyiri, avbo u nga gimbilago gukhugela mahangeni ga Edhomi, mafu ma di tsekatseka; khu ndzadzini gu dota mati, mapfhi ma wisa ndzadzi.