Mavingu 8:15 - Bhibhiliya Nya Guage

¹⁵ Vafumeli va gufuma khu tshivba yangu, ni manganagana ma gu leletela gululama.

Mavingu 8:15 Iomraidhean Croise

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

1 Dzipfhumu 5:7

Avbo Hiramo, a nga pwago mahungu yaya ya Solomoni, a di tala khu gutsaka ngudzu, a ganela, khuye: “A na rungudzwe Pfhumu Nungungulu, a ningidego Dhavhidhe gyanana nya gutale khu mapimo gasi gu fumela vathu vava nya gutale ngudzu!”

1 Dzikoronika 28:5

Gasi vbakari nya sanana nya singi a nyi ningidego, Uye hathide mwamana wangu Solomoni, gasi gu khala vbagikhalotunu nya wufumu wa Pfhumu Nungungulu, ni gu fumela litigo laye la na Israyeli.

2 Dzikoronika 1:10

Khu guralo, nyi ninge wugengeli ni mapimo, gasi nyi kodze gu gimbidzisa vathu vava; kholu, khu mani a na kodzago gu lamula vathu nya vangi nya nga ava?”

2 Dzikoronika 1:11

Khavbo avbo, Nungungulu a di embela Solomoni, khuye: “Kha nga u gu ni maalakanyo yoyo monyoni gwago; kha nga u ngamba lomba dzithomba ni gufuma, wudhumo, ni gu songetela valala vago, ambari guvbanya matshigu nya gulaphe; aholu u lombidego wugengeli ni mapimo, gasi u kodza gu fumela vathu vangu, avo nyi gu emisedego gu khala mufumeli wawe,

Dzindzimo 2:10

Gasi olu, enu vafumeli gengelani; dzumelani gu kawukwa, enu valamuli nya litigo!

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Mavingu 29:4

Mufumeli a gu landrisa milayo nya yadi, a na tiyisa litigo, aholu a gu gola ngudzu dzitsapawu, a na li mbembisa.

Mavingu 8:16

Kheni nyi fumisago vamwamangulu vatshavbo, vathangeli; ni valamuli vatshavbo va mafuni.

Isaya 1:26

Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Jeremiya 33:15

Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 4:25

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 4:32

Uwe u na lundrwa vbakari nya vathu, u ya vbanya gumogo ni sirengo sa khabini, u na hodza mwasi nga sirengo sa khabini gipimo nya livbandre na sivili sikhati, kala u pima nya gukhuwe uye a Khusegidego ngudzu, a ngu fuma mifumo nya vathu ni gu wu dzega a ningela uye a mu golago.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 9:17

Avbo Samuweli a nga wonago Sawule, Pfhumu Nungungulu, a di mu embela, khuye: “Oyu khu mwama wule nyi nga gu embelago. Khuye a na fumelago vathu vangu.”